الرز العادي ،،
بيتعمل عادي جدا ،،
الاول تجيبي مقدار الرز ال انتي عاوزها
و تغسليه كويس ،،
و تسبيه تنزل منه الميه ،،
و في الفترة ديه تكوني جهزتي الحلة ال هتعملي فيها
و حطيتي فيها سمنة زبدة زيت اي حاجة حضرتك تحبيها
و تخليها شوية لحد ما يسخن
بعدها تحطي الرز و تقلبي لحد ماتحسي انها اتحمرت
بس لونه مش هيتغير لاء
بس تحسي انه له صوت و انتي بتحركيه كدة ،،
مش عارفة اشرحها ازاي بس كدة يعني ،،
المهم تكوني مجهزة جنبك
المية ،، و مقدارها اد الرز مرتين
يعني لو عملتي كوبية رز تبقى ليها كوبيتين مية ،
و هكذا،،
تحطي المية هتعمل صوت تشششش ،،
طبعا مش تحطي المية كلها ،،
يعني تلات ارباعها كدة او زيادة شوية
لانه فيه انواع مش محتاجة مية كتيير ،،
و تحطي الملح بقة ،،
وبس تخليه بقة لحد ما يستوي و بالهنا و الشفا ،،