[يوسفباشا]

المشاركة الأصلية كتبت بواسطة kitty_sweety

س1 هل لابد من المذاكره من كتب الوزاره ام لا؟ام يكتفى بحل منها المسائل؟؟
كتاب الوزارة مهم جدااااااااااااا في الحل مع كتاب دليل التقويم أما في الشرح يعني الافضل من كتاب خارجي أو كتاب المستر اللي بتأخذ درس معاه و الأفضل عدم تشتيت نفسك في أكثر من كتاب و يوم ليلة الامتحان لا تنظر في ورق زميلك لان هذا الورق لم يتم قراءته من قبل و ممكن يلخبطك كتيير قبل الامتحاااان لانه مكتوب بصيغة غير اللي انت كنت بتقرأها

س2 المراجعه تبقى كل اد ايه يعنى اخلص المنهج كله وبعدين مراجعه ولا نص المنهج وبعدين مراجعه؟ولا تلت وهكذا....
لأ هي أفضل حاجة مراجعة المنهج جزئيات يعني أما الوحدة تخلص تراجعها والوحدة اللي بعدها أما تخلص تراجعها و تراجع مراجعة سريعة على الوحدة الاولى وهكذا أما المنهج يخلص يبقى راجعت كل وحدة أكتر من مرة و لو كانت الوحدة طويلة قسمها اجزاء و ذاكر و راجع كل جزء على حده وفي النهاية برضه إنت اللي لازم تختار طريقة مذاكرتك لان كل واحد له طريقة في المذاكرة تنفع معاه ما تنفعش مع غيره
س3 تنصحونى اخد درس عربى ولالا ؟ اصلى ناوى ماخدش علشان ما اضيعش الوقت ؟؟؟,.,,,
لأ الافضل تروح درس عشان المدرس هيشغلك واجبات و امتحانات و مراجعات لكن في البيت مش هتعرف تخلص اللي المستر هيخلصه في الدرس وحتى لو خلص مش هيبقى تماااام أوي ممكن تبقى في حاجة ناقصة أو مش مكتوبة في الكتب واللي مع المستر بس اللي بيعرفها إلا بقى لو مدرس الفصل كويس و بيشرح حلو لان احنا السنة دي هننزل المدارس إن شاااء الله
س5 ما هى افضل الكتب الخارجيه؟
العربي الاضواء او الامتحان
الانجليزي english loversكان ممتاز الصراحة و في اسئلة جامدة قوي
الكيمياء الامتحان
الرياضيات 100%
اللغة الثانية انا كنت ايطالي و كتاب italiano أحسن من كتاب il primo و الصراحة الايطالي لغة سهلة جداااا

س6 انا كنت ناوى انى اخلى دروسى متاخره علشان اذاكر الماده فى اليوم اللى بعديه علطول يعنى انهارده بليل خدت كيمياء بكره الصبح اذاكر اللى خدنه هل ده كويس؟؟؟؟
هي الافضل بالليل لان الصبح اليوم كله بيضيع وكمان لازم مذاكرة الدرس في يومه أو اليوم التالي له وخصوصا الكيميااااااء لان التأخير عن كده بيخليك تنسى الشرح و كأنك لم تأخذ درس و هتحتاج مجهود أكتر في مذاكرة الدرس ده
و إن شاااااء الله ربنا يوفقنا كلنا و نحقق كل أحلامنا و مالكش دعوة من اللي بيخوفك من الثانوية العامة لانها سنة زي اي سنة بس عايزة مجهود أكتر شوية و إن شاء الله ربنا يوفقكم كلكم
و رمضااااااااااان كريم

الف الف الف شكر
بارك الله فيك وجزاك الله خيرا
واسف على التعب اللى سببتهولكوا وشكرا

هو موضوع نزول المدرسه ده بجد ولا ايه ؟ على فكره لو بجد يبقى خلاص بجد هنسى موضوع انى اجيب مجموع
ده مستحيل
على فكره ده لو حصل انا مش هروح برده الا كل يوم حد علشان لو اتفصلت اهو يبقى خرجت من الثانوى بشرف