اقتباس:
المشاركة الأصلية كتبت بواسطة مريم زيدان
انا عايزة اقدم تجارة تعليم مفتوح
و انا خلصت ثانوى عام فى 2009 السنة اللى فاتت
أعمل ايه بالظبط انا خايفة السنة دى كمان تفوت عليا
و فين مكاتب التنسيق
|
بالنسبة للتقديم بتاعك لازم اعرف انتى فى كلية ولا لا ؟؟؟
بس غالبا كده هتعملى تحويل من الكلية اللى انتى فيها الى الكلية اللى انتى عايزة تروحيها
هتعملى طلب تحويل من شئون الطلبة وتسحبى ملفك من كليتك حاليا
ولازم تعرفى ان كلمة سحب ملفك من كليتك معناها انك بتتفصلى من كليتك الحالية وانتى واقفة
يعنى الاول لازم تروحى الكلية اللى انت عايزة تحويلى ليها وتسألى هناك اذا كانوا هيقبلوكى ولا لا ؟؟
احسن من تسحبى ملفك من كليتك الحالية وتروحى الكلية الجديدة و يرفضوكى تكونى فى الحالة دى فى الشارع ( عفوا )
الكلية الجديدة هتطلب منك :
1 - بيان حالة من كليتك الحالية موجهه الى الكلية اللى انت عايزة تروحيها
2 - اصل استمارة الثانوية العامة ( دى هتاخديها من كليتك الحالية لما تسحبى الملف )
3 - اصل شهادة الميلاد ( دى هتاخديها برضه من كليتك الحالية لما تسحبى
الملف او تعملى وحدة جديدة من اى سجل مدنى )
4 - صور من البطاقة الشخصية ( لازم تتصورى صور جديدة لان كل ما الواحد يكبر الصور بتتغير )
5 - واعتقد 6 صور شخصية كمان
6 - ولو فى اى مصاريف ادارية او اى مصاريف تحويل لازم تدفعيها وبس كده باين
وطبعن بالتوفيق ان شاء الله