بناء علي طلب الشعب ...هكتب اول يوم درووووس في تانيه ثانوي
(بعد كده انت تقوله موضوع الحلقه اللي جايه وتحددوا ميعاد اكتب فيه
بس لاحظوا ان انا بخرج بردو )
اول يوم درووووس
اول يوم دروس ثانويه عامه....... بيبقي فيه دوافع غير طبيعيه لكل الطلبه تقريبا ..كل واحد جاي الدرس وكأنه جاي يحرر مصر من التخلف اللي هي فيه بقالها قرون (وسمعني سلام ((مصر هي امي))
)
لأ بجد كله بيبقي جاي اول يوم وواخدها جد من الاول (مع ان احنا لسه في الاجازه ولسه حوالي 10 شهور علي ما نمتحن ..ما علينا )
وانا بجانب الدوافع العاديه بتاعت اي حد ....رايح بدوافع تانيه
اصل بعيد عنكو... كنت في العيله اسمي الفاشل
اصل العيله كلها دكاتره وصيادله والاوائل علي المدرسه والمحافظه والكلام الفاضي ده
وانا كنت طالب عادي جدا جدا جدا ...بصراحه عمري ما كنت من الاوائل خالص او مثلا حد معتبرني من الناس الجامده في الفصل ...كنت عادي ,,,يعني لو سألتو حد (هيقول شاطر بس مش اوي ..مش وحش يعني )
كنت عايز اثبت اني كويس واقدر ابقي زيهم
ومن خبرتي في التعليم المصري الفاشل اقدر اقولكوا :
احــــــــــــــــــــــــــــــــــــــــــــــــ ـــــــفــــــــــــــــــــــــــــــظ زي الجاموسه تعدي زي الناموسه
خلينا نعترف ان فيه فروق فرديه بينا بس التعليم هنا بيلغي الفروق دي...يعني اي حد ممكن يتفوق حتي لو (سوري في الكلمه ) غبي
ما علينا ,,,,,,, رحت اول درس (تقريبا كان كميا ء)
ابص علي الناس الاقيهم كلهم معاهم كشاكيل وكتب واقلام
(ايه يا جدعان فيه ايه ؟؟ ده احنا لسه في الاجازه
)
انا كنت رايح من غير اي حاجه
المهم المستر ..شرح شويه ..وبعدين بيكتب حاجات عشان نحلها
المهم كتب شويه اسئله والناس ابتديت تحل ..وانا مش معايا حاجه اكتب فيها
خد باله اني ما بكتبش ( احسن ..اصل انا بحب الفت النظر وابقي معروف ومشهور بقي وبالمره اخلي البنات
قصدي الولاد اللي معرفهاش تعرفني
)
الحوار :
المستر : ايه يا بابا ..ما بتحلش ليه ؟؟ فيه حاجه ما فهمتش ؟؟
انا : لأ يا مستر ..فهمت الحمد لله
المستر : طب ما بتحلش ليه ؟؟
انا : اصل مش معايا قلم ولا كشكول
المستر (وتقريبا كان عايز يشتم بس ما رضيش عشان اول حصه
) : ومش معاك ليه ؟؟
انا : معلش يا مستر اصل انا لسه مستجد ومسخنتش هههه(افيه كان في فيلم مرجان وكان لسه نازل تقريبا الصيف ده )
المستر وكل الموجودين والناس كلها ماتت علي نفسها من الضحك
المستر : اسمك ايه يا لميض
انا : كذااااااا يا مستر
المستر : طب تعالي قرب اقعد هنا (شكلك شقي وهتشوف معايا ايام سوده
)
انا : لأ والله يا مستر ...ده انا غلبااااااااان
ــــــــــــــــــــــــــــــــــــــــــــــــــ ـ
الغريب في اول ايام الدروس ..انك تلاقي الكل مستواه زاد 500% ..وتلاقي الناس اللي ملهاش فيها بتذاكر وبتدح
دعونا نقول (اللي ملهمش فيها بقوا في ثانويه عامه ....واحنا معاهم
)
بعد كده ..هتلاقي كل واحد بدأ مستواه يقل واحده واحده لحد ما يرجع زي الاول
(نصيحتي بقي ..والله كبرت وبقيت بدي نصايح هههه ما علينا : الثانويه دي لازم تقسم مجهودك علي السنه كلها عشان ما تتخنقش
مش تبدأ في الاول زي الناموسه وتبقي في الاخر عامل زي الجاموسه
هههههههه)
الكلام ده للاولاد ..البنات بتدح من اول ثانيه لأخر ثانيه
مطبقين مبدأ ....(اذا خيروني بين الموت والدح ...سأستخدم اخر نفس لكي اقول الحفظ التمام او الموت الزوئاااااام
)
يتبع ....(ايدي وجعتني من الكتابه
)