[follkan]

كرومبو....كرومبو.... مع المفتش كرومبو

الحلقه الخامسه

عزيزه اللذيذه اشترت 2كيلو برتقال ابو صره عشان عندها شويه برد ولما وصلت بيهم لباب العماره افتكرت انها نسيت تشترى كيلو لبن وكان واقف امام باب العماره على الرصيف التانى 3
--الاول(ميدو الحيران) :اللى كان واقف بيسمع فى الام بى 3 حيران كده ليه
--التانيه(سعيده كاسيت)اللى كانت واقفه بتبيع بوسترات لحماقي
--التالت(زكى الطويل)واللى كان بيشرب عصير قصب في المحل الي قدام باب العمارة
عزيزه سابت كيس البرتقال جنب باب العماره ورجعت عشان تشترى اللبن
ولما اشتريت اللبن ورجعت ملقيتش كيس البرتقال
فطبعا كلمتني بسرعه و جيت أنا وسحس
عزيزه : الحقني يا كرومبو كيس البرتقان ابوسره اتسرق
سحس بومب: والزاي ماشفتيش كيس البرتقان وهو بيتسرق انت عميا؟


ولما سالت التلاته اذا كان حد فيهم شاف كيس البرتقال بتاع عزيزه قالوا..
(ميدو الحيران) اف..بجد حاجه مش ممكن كيس برتقال ايه وبتاع ايه..يعنى ينفع كده تخرجنى من المود بتاع الاغنيه..بجد حاجه لا تطاق..اوف
(سعيده كاسيت) .. برتقال ايه الى انت جاي تقول عليه وواجع دماغنا عشان شويه 2 كيلو برتقال ابو صره..لو لاقيته هات واحده
(زكى الطويل)لا انا مشوفتش اى اكياس برتقال خالص انا واقف بشرب فى العصير حتى لسه مخلصتوش.. تاخد شويه.


عزيزه اللذيذه معرفتش مين الى سرق كيس البرتقال
بس انا عرفت
لو انت كمان عرفت
اتصل على الرقم ده
زيرو اربع اصفار صفرين زيرو
وابقى قابلنى لو كسبت حاجه..


يللا قولولى مين اللى سرق البرتقال بالسبب

وانتظرونى فى الحلقه القادمه
مع تحيات المفتش كرومبو...