<div class='quotetop'>إقتباس(Dare Angel @ May 4 2007, 12:57 PM) [snapback]300736[/snapback]</div>
اقتباس:
الاعدادى والابتدائى مش مقياس
تالته اعدادى مش ذاكرت فيها
اولى ثانوى الاولى من تحت
تانيه ثانوى هى بدايتك فعلا فانتى ركزى على ده وخلى المجموع اللى انتى عايزاه هو الدافع ليكى
اولا انا مستغربه ازاى انتى لسه بتبداى دلوقتى
ولكن برده تانيه مش تقيله اوى وخصوصا ان شكلك واخده كيميا (صح؟)
الكيميا ده شغل مدرس ويفضل تاخديه لوحدك علشان تنتهى منها
الرياضه حلى امتحانات السنوات اللى فاتت
العربى بقى القصه تكتفى بالقراءه فيها لانها مترابطه مع بعضها وسهل انك تجاوبى وهتاخدى الدرجه
الادب والنصوص والبلاغه مكملين لبعض فلما تذاكرى ادب ذاكرى النص بتاعه بالخصائص بتاعه العصور
النحو حله الوحيد المدرس بتاعك برده يعنى يزهقك حل نحو
الانجليزى ولا اسهل ومادمتى جايبه فى الاعدادى 97 اعتقد مش هتلاقى مشاكل فيه لانه مش جديد
الفرنساوى بقى احفظيه ثم احفظيه بالنسبه للكلمات
الوثائق حلى السنوات اللى فاتت ولو لحد 2000
وعلى كل انتى هتتعبى الشهر ده بس انتى بتتعبى علشان تحققى حاجه ومش عايزه اقل
فربنا يعينك و حاولى مش تسمعى لاى كلام من صحابك الفتره دى لانه غالبا هيبقى تعجيزى
و خليكى واثقه ان على المرء ان يسعى وليس على المرء ادراك النجاح بس هتبقى راضيه عن نفسك على الاقل ودى احلى حاجه
وربنا يوفقك ويوفقنا جميعا 
[/b]
|
طبعا مفيش كلام بعد الى قلته هند :D
بس انا انصحك انك انتى تذاكرى العربى قبل امتحان العربى بأسبوع وحاولى تقسمى وقتك الى فاضل على الفرنساوى والكيمياء
وركزى على الكيمياء جداا واقسم بالله العظيم انا مكنمت اعرف حاجه عن الفرنساوى ده الى لما بدأت اذاكره يوم 20 اربعة بس انتى شدى حيلك كده بس واتوكلى على الله وربنا ان شاء الله يوفقك ولو عايزه اى حاجه او استفسار كلنا هنا اخواتك وفى فى الموقع مدرسين افاضل على اعلى مستوى ممكن تسأليهم او تسألينا عن اى استفسار
وعلى فكره القصه اقريها بس وركزى على معانى الكلمات والجمع والعكس وكده يعنى
محمود(اعدادى هندسة الاسكندريه)