اذيك يا رحمه عامله ايه كويسه طيب الحمد لله :P
المهم يا جماعه انتوا عمالين تتكلموا علي التزويغ ده كانه حاجه
انا من كتر مازوغت بقيت معروف انا وعيال الكلام ده في اولي ثانوي عشان انا الحمد لله مفتحتش كتاب في اولي
انا تانيه كان قليل لما اروح
المهم مره وانا في اولي وخرجت انا واصاحابي واصحابي اصحابي وناس اعرفهم وكنا كتييييييييييييييييييييييييييييير
وفي ناس منهم مشيوا انما احنا كنا قاعدين شويه بره المدرسه
المهم كان في واد نعرفه وكان جاي المهم الواد ده كان ضايع جدا يعني بايعه (وانا اغلي اصحابي من النوعيه دي)
المهم كانوا بيسلموا علي بعد فواحد راح داخل وضربه بالقلم ( السلام بتعهم)
راح الواد افش فيه راحوا الاتنين مسكين في بعض راح الواد الي كان لسه جاي كان في بنطلونه فردة مقص
راح مطلعه المقص وضربه تحت قلبه والله الكلام ده حصل قدامي راح الواد ماسك جمبه احنا كنا فكرينه بيهزر عشان كل هزرهم غبي كده وانا الحمد لله مبحبش حد يهزر معايا كده ولا انا اهزر مع حد كده
المهم مفيش 5 ثواني ولئيت الدم مغرق الواد كله معرفناش نعمل ايه والواد الي ضربه ده شكله مجنون عشان بعد لما ضربه كنا لسه
هنتخانق معاه لقيناه بيقولنا هو الي هزر معايا (ببرود غريييييييييييب ) بس احنا دخلنا الواد المدرسه لمدرسين خافوا وراحوا بعتونا عند المستشفي الي جمبينا وبعتوا عيال يدوروا علي الواد بس فين
المهم ودينا لواد المستشفي وكان التيشرت بتاعه غرقان المهم الرزاله الي من الواد بقي واحنا شيلينه لقي بنتين قاعدين
بيقولهم : والله انا مش صعبان عليا غير البنتين دول <_< والله كان هاين علينا نسيبه علي الارض
المهم راح المستشفي لقوا لقوا عندوا ( تهتك في الطحال ومش فاكر ايه تاني ) وقالو انوا كان فاضل شعره وتيجي في قلبه
هكملكوا الباقي في ردي الي جاي عشان انا تعبت من الكتابه
مع العلم ان واله العظيم مفيش كلمه من الي قلتها دي فشر
والي يعرف العيال بتوع مدرسة الاورمان هيعرف ان الموضوع حقيقي
استنوا ردي الي جاي
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب )
|