اقتباس:
المشاركة الأصلية كتبت بواسطة الأستاذة أم شاهندة
اولا أرحب طبعاً بإقتراحات حضرتك
والمناقشة فيها
بالنسبة لزر الشكر كما أسميته حضرتك أرى أنه لن يغير من الردود الباهتة (كما أسميتها حضرتك ) او يأتى بجديد
أنا أعتقد وهذا رأى الخاص
أن (بارك الله فيك) أو (جزاك الله خيراً )
أوقع فى النفس وأكثر فائدة طبعاً فهو دعاء
هذا رأيى الخاص كما ذكرت
وللجميع حرية التعبير عن رأيه
أما الجزء الخاص بعدم تحويل الموضوعات إلى شات
والخروج بالحوار عن الموضوعات الرئيسية
فهذا أوافق عليه جملة وتفصيلاً
ولا يهم عدد المشاركات وزيادتها لو كانت بلا غرض يخدم الموضوعات المطروحة
ولكن للأسف يتحول الموضوع فى بعض الأحيان إلى شات محادثة وبالذات فى موضوعات القسم الحالى للتنسيق
وأقسام الجامعة
نظراً لصغر سن الأعضاء وتعودهم على نظام المحادثات الشبيه بالماسنجر
مما قد يؤدى إلى استخدام ألفاظ أو عبارات لا تقبل طبعاً إلى جانب الخروج عن غرض الموضوع المطروح أصلاً
وأتمنى من كل الأعضاء التفاعل بالإبلاغ عن أى مشاركات تخرج عن الهدف الحقيقى للموضوع وتخالف قوانين المنتدى
أتمنى أن يتسع صدرك للنقاش كما طلبت حضرتك
خالص تحياتى وشكراً لك
|
لما اكتب "بارك الله فيك" فى رد او اقولها فى سرى مش هتفرق
بل يمكن فى سرى أحسن على اﻷقل هأبعد عن الرياء
فزر الشكر أكيد هيمنع الردود الباهته .. فممكن تحطوا اعلان او ما شابه ذلك وتقولوا تم تفعيل ذر الشكر وياريت الناس تستخددمه بدلا من شكرا والعبارات دى
وانا شوفته متبع فى مواقع تقنيه مثل Linuxac.org
واﻷداره بتحذف الردود الى زى " شكرا" وبتنبه برضه على الأعضاء ومع الوقت الكل بدأ يتفاعل مع الموضوع
وبقت المواضيع منسقه وكل رد بتستفاد منه بجد
ولما طلبت زر الشكر كان برضه قصدى ان الكاتب يحس ان فى ناس دخلت واستفادت
مش مجرد كلمتين بأكتبهم وخلاص
ربما يكون الموضوع هيبقى فى اﻷول صعب
بس مع الوقت الناس هتتعود
وبالنسبه للشات
فى حاجه اسمها انذارات او نقاط تحذير
ممكن من خلالها تحذر العضو علشان الشات
وساعتها هيتحذر ويعرف ان ده مش كويس او مالوش فايده
ولو اصر على كدا (وده هيبقى نادر وقليل ) يبقى خلاص يخرج من المنتدى مادام مش محترم المواضيع ولا محترم القوانين
وحتى لو الناس مش هتقدر تبطل شات يعنى ممكن يخلوا فى منتدى اجتماعى للحجات دى
اما موضوع ابلغ عن المشاركات المخالفه الى بالطريقه دى
انا عندى استعداد اطلع الف مشاركه كدا خلال شهر واكيد حضرتك عارفه كدا
فأزاى الناس هتقدر تبلغ عن كل دا
الصح ان العضو نفسه يعرف ان دا غلط وساعتها الردود المخالفه هتقل خالص
ساعتها التبيغ هيبقى سهل
وبالنسبه لمنتدى التنسيق والجامعات ممكن التهاون معاه شويه ﻷن معظم الداخلين ناس جديده
بس مش هيبقى غلط يعنى لو حد عمل مووضع واتثبت هناك وبدأ يفهم او يطلب من الناس انهم يبطلوا الردود الى ملهاش لزمه
ﻷن بجد شوفت هناك توبيكات متبهدله
ولو تطبيق الكلام ده كله هيبقى صعب
ممكن مثلا تبدأوا حمله دلوقتى علشان توعى اﻷعضاء بس حمله صح
يعنى مش تحط موضوع قوانيين المنتدى ﻷن مفيش حد بيخش المواضيع دى خالص وانا اولهم :D
بأحس انها مجرد كلمتين مرصوصين وبس ويمكن مش بيتعمل بيهم اصلا
فمثلا لوتعملوها حمله حتى
ولو لقيتوا تجاوب خلاص ايه المشكله لو طبقتوا زر الشكر؟
ولو مالقتوش تجاوب خلاص
انا غرضى اﻷفاده والله بس مش اكتر ومش يعنى عاوز اعمل حمله تشدد ولا حاجه
اتمنى ان يتسع صدرك للنقاش (بجد الجمله دى حلوه اوى :D)
وبالتوفيق ليكم يارب
- اسف على أى اخطاء املائيه او نحويه او اى حاجه ﻷنى منعوس خالص بس محبتش انام قبل ما ارد على حضرتك _
والسلام عليكم