[basmet el rabi3]

حسبى الله و نعم الوكيل
هو المصريين ما بيعرفوش يعملوا حاجة صح أبدا ؟!!!
عاوزة اسأل سؤال تانى ... ليه ما بنسمعش عن مشاكل الطلبة اللى بيدرسوا الثانوية الانجليزية ig و الدبلومة الأمريكية ؟ ليه هما الأمور ماشية عندهم هادية و الثانوية المصرية فيها كل الأخطاء و العبر ... بداية من جدول امتحانات مرهق للطلبة ... مرورا بتسريب اسئلة الإمتحانات و وقائع الغش الجماعى ... الى خروج بعض الأسئلة عن المنهج ... الى اخطاء ترجمة الأسئلة لطلبة اللغات ... الى وجود اخطاء فى نماذج تصحيح الإجابات تؤدى الى الظلم البين للطلبة ... الى ضغط وقت التصحيح على حساب المصحح و يتحمل الطالب عواقبه فى النهاية .......... و انتهاء بتدخل الوزارات فى توجيه الطلبة الى كليات بعينها ؟!!!!!
ذنبه إيه الطالب فى بداية حياته ( فى ربيع عمره ) يغرق فى المشاكل دى كلها و ما يلاقيش حد يمد له ايده يخرجه منها ... ليه يحس إن الظروف كلها ضده و كأنها بتحاربه لسبب هو ما يعرفوش ؟
ليه ما بنستفيدش من خبرات الثانوية الأجنبية ... اللى ما بتحصلش عندهم 1% من المشاكل دى ؟
مؤشرات القبول بتقول ان طب حيقبل حد ادنى 95%
ليه طالب جاب 94% فى ثانوية عامة ( أهله مستورين ) ما يقدرش يدخل طب فى جامعة حكومية , و طالب تانى ( أهله متيسرين ) يدخل بـ 85% طب فى جامعة خاصة ؟!!!!!!!!!
http://www.ahram.org.eg/228/2010/07/15/25/29378.aspx

أنا مش فاهمة حاجة ..... ممكن حد يفهمنى ؟؟؟؟؟؟