[خالد قاسم]

يا شعب يا مدلع

١٥/ ٧/ ٢٠١٠والله يا شعب صحيح مدلع.. تصحى الصبح تقوم من نومك.. تلقى حكومتك شايلة همومك.. حتى العيش من غير طوابير.. والخيرات فى بلادنا كتير.. والقوانين ع الكل بتمشى.. كنت وزير أو حتى غفير والإسكان بسهولة تلاقى.. والمصروف بيكفى وباقى.. كله بيحصل وبشفافية.. والدستور متظبط خالص.. حاجة جميلة وميه الميه.. ومافيش حاجة اسمها حرامية.. بعد دا كله تقول إضراب!!.. ناقص تطلب بدل الفول الصبح كباب!! نفسى أفهملك بس لزعلك ده أسباب!!.. واعتصامات واتهامات.. إحنا نزور فى انتخابات!! يعنى حكومتك تعمل إيه؟.. عايز أكتر من كده إيه؟.. والله يا شعب صحيح مدلع!!
الشاعر أيمن يحيى الجيزة