[**تسابيح**]

السلام عليكم ورحمة الله وبركاته
النهاردة هتكلم عن موضوع مش عارفة
يمكن يكون غريب او لا
المهم امبارح كنت بسأل قربتي
ممكن واحدة ترفض واحدة متقدم لها عشان هو مش بيصلي!!
انتم عارفين ان الماديات طغت ع المجتمع المصري
فتلاقي اول لما الشاب يتقدم
السؤال انت بتأخذ كام !!
فيه ناس مش بتسأل عن الصلاة
فقالت لي : طيب ايه المشكلة لما واحدة تأخذ واحدة مش بيصلي وتخليه يصلي هو مش بيحصل بردوه؟
قلت : لا طبعا لان اللي مش متعود ع الصلاة هيفضل طول عمره كدا
قالت : عارفة فلان (قريبي )مكنش بيصلي ومراته هي اللي خلته يصلي !!
قلت:نعم ,اازاي يعني ..لا مش متخيلة !
فسألت زوجها وقالته يقولي لانه صاحبه اصلااا
قال ايوة يابنتي مكنش بيركها ومراته هي اللي خلته يصلي دلوقتي
عارفين الشخص دا اللي بقول عليه هو يعتبر قريبي بيصلي الفجر حاضر في المسجد
ومش بيسيب فرض
دا كله بسبب زوجته ...!!!
هي اللي قدرت تأثر فيه وتحوله من رجل بعيد عن ربنا لرجل ملتزم
نيجي لأولادهم اللي بجد أطفال ونعم التربية والادب والاخلاق
ابنه الكبير اللي عنده 10 او 11 سنة اقرب يختم القرآن
وابنه الثاني حافظ للقرآن ما شاء الله عليهم
دا كله بسبب الأم اللي هي زوجة
شفته خلت جوزها ازاي واطفالها ازاي !!!
لانها ام مسلمة بجد ملتزمة عارفة دينها
عارفة حقها وواجباتها
الكل بيحترمها
عمري ما سمعت انها بتغضب جوزهاا ابدااا
ولا اتخنقت معاه في يوم من الأيام
عارفبن بتقوله ايه ساعات كثير وادام الناس
(ربنا يخليك لينا ياسيدي ..ويكرمك)
لكن فيه عائلة تانية تلاقي
انهم مش عايشين سعداء وفي خناق دائما
ولا الزوج بيحترم زوجته ولا الزوجة
بيحترم زوجها
لان ببساطة حد فيهم مش بيصلي
ولا يعرف حقوقه وواجباته
هو دا الفرق بين ناس سعيدة وناس لا
لان الناس السعيدة رغم بردو
انهم عندهم مشاكل فربنا بيبقي واقف جنبهم
ام الناس الثانية التعيشة رغم انها نفس المشاكل
في كل بيت
لكن هم مش بيطيعوا ربنا عشان كدا ربنا غضبان عليهم!!!
ودا بردو بسبب المرأة لانها مرأة صالحة
متربية تربية إسلامية
...
نيجي لحاجة تانية
كنت في 3 اعدادي في مدرسة بنات الصبح
واولاد الظهر
المهم ان المدرسة بقت مشتركة في 3 اعدادي
وانضمت
المهم يعني
كان مدرسة الاولاد بيكرموا المتفوقين
والاوائل ع مستوي المدرسة
بدأوا بسنة اولي اعدادي
الاول فلان الفلاني
البنات كلها قالوا الحقوا الحقوا دا ابن الابلة اللي بتدينا علوم
الولد طالع الاول ع المدرسة
والطالب المثالي ومتفوق في المواد الدراسية كلها
والدرجات النهائية
كل شوية الولد يأخذ شهادة التقدير
ويروح عشان يوريها لامه
أمه اول لما شفته
بقت فرحانه اووي
وكل لما يأخذ شهادة تقدير
يجري عليها عشان يوريها
والولد دا بئا حافظ نفس القرآن ما شاء الله
ع ما اظن انه دلوقتي
ختم القرآن
..................
طبعا موضوعي بيتكلم
عن المرأة هي اللي ممكن تصلح المجتمع
وتعمله مجتمع صالح
وهي بردو اللي ممكن تخليه مجتمع فاسد
يعني وراء كل رجل عظيم امرأة
لم تأت من فراغ
حتي النبي (صلي الله عليه وسلم)أمر الرجل
انه اظفر بذات الدين
يعني يختار المرأة علي أساس دينها
اننا محتاجين في مجتمعنا
نساء ترفع راية الاسلام
نساء تربي رجال يحرروا الأقصي
لازم كل بنت تقتنع انها هي اللي ممكن تغير العالم
لما تنجب شباب صالحين
يعرفوا حقوقهم وواجباتهم
لما هي تبقي مسلمة بجد وتعبر عن الإسلام
سلالالالالالام