والله يا جماعة انا شايفة ان الوزير يعني من واقع تصرفاته ونشاطاته
عايز يخرج من دفعتنا جيل جديد
يعني شايف فينا احمد زويل او البرادعي
هو اى نعم بيحلم
بس برضوا هو لازم يكون حاطط اعتبار ان نظام التقويم الشامل ده مش بيقيم كل الطلاب
لأنه ببساطه ممكن فى اى وقت مدرس يخسف بطالب الأرض وهو شاطر عشان اى شي شخصي او مدرس يرفع حد السماء هو مش بيعرف يكتب اسمه
اظن ان الأمتحان بس هو اللى بيحدد
ولو ان فى التصحيح بتحصل حاجات
وحصلت معايا انا شخصيا
بس مش بيكون قدامي غير انى اقول حسبنا الله ونعم الوكيل
انا شايفة انه عشان نظام التعليم يتعدل فى مصر زيي ما هما عايزين
لازم يلغوا النظام الشامل وتبقى الشهادة زيي ما هي شهادة
وكمان لازم يكون كل الامتحانات مش الشهادات بس على مستوي الإدارة التعليمية حتي مش المحافظة
لأن بجد يا جماعة انا الحمد لله الاولى ع المنطقة بتاعتى والمدارس اللى فيها
بس والله انا بشهد قدام ربنا اننا فى الدروس
كنا داخلين الامتحان ووخدينه قبلها بيوم فى المراجعة فى الدرس
يعنى اظن ان ده مش تعليم خالص
بس لازم بنلجئ للدروس لأن انا اما عديت المدرسين اللى بيشرحوا فى فصلى والله طلعوا اتنين بس والباقيين بخرجوا زيي ما دخلوا ولا حد بيشرح حاجة ولا كأننا فارقين معاهم اصلا
وحتى الأتنين اللى بيشرحوا مشكلتهم ان وقت الحصة مش مساعد معاهم
اصل مدرستي فترتين
يعنى الحصة نص ساعة وممكن تقل
بالزمة ده عدل ؟؟؟؟؟ ومش عايزينا نأخد دروس ؟؟؟؟؟؟ ومش عايزين نظام التعليم يبقى فى النازل ؟؟؟؟؟؟
عموما ربـــــــــــــــــــــــــنا معانا
__________________
لا يقلق من كان له أب ، فكيف بمن كان له رب
|