انا بجد خلاص اتخنقت و تعبت من كل الكلام ده تعبت
انا نفسى افهم حاجة هو يعنى ديننا متكلمش عن حاجة غير الحجاب و جسد المرأة و جمالها يعنى مش ورانا غير الستات كل ما افتح قناة دينية القيهم يتكلموا عن الحجاب كأن الستات غير المحجبات هم سبب تخلف البلاد المسلمة
و هى قيمة الست فى جمالها و شكلها ؟
و ليه بنقول ان اغلى حاجة عند الست جسمها ؟
انا شايفة ان احنا لما نقول ده و ان جسم المرأ اغلى ما عندها ده يطمع الشباب فيها اكتر
بجد الكلام عن الحجاب و النقاب زاد عن حده قوى
و بعدين هى يعنى بلد زى السعودية ولا افغانستان كانت ستاتهم عملوا ايه ما الست هناك بتمشى اسود فى اسود
كل اللى بيتكلم عن الحجاب و النقاب بجد انا حاسة انه عايز يخرس صوت الست بأنها تقعد فى البيت ما جسد الست غالى و صوتها عورة و كل ده بسبب اننا مجتمع ذكورى كل راجل بيحب التسلط و امتلاك الست بحجة ان دى الرجولة
انا بجد بتعب احنا كده مش بنعلى قيمة الست و شخصيتها احنا بنعلى قيمة الجسد
و هو ليه المشايخ مش بيتكلموا عن اخلاق الشباب و لبسهم و تصرفاتهم اللى بجد بقت تكسف بنفس كمية كلامهم عن البنات
ليه بنحكم على البنت من خلال مظهرها و لبسها ياما فى بنات مش لابسة الحجاب بس عارفة مصلحتها و بتخاف على نفسها و محترمة متعرفش شباب و جوهرهاصالح احسن ميت مرة من واحده محجبة او حتى لابسة النقاب بس طايشة بتنخدع بكلام الشباب او لابساه عشان حد من اهلها فرضه عليها
__________________
|