اقتباس:
المشاركة الأصلية كتبت بواسطة Samy Farid Mekhael
يا جماعة في الاختياري 6 = a وليس d
I had instructions that I were to leave the door unlocked when I came home
مثلها في المنهج
If I were to leave = Were I to Leave
|
أنا طالب فى كليه الطب
ولما سمعت عن الامتحان دفعنى الفضول أشوف امتحانكم
وبصراحة انتوا مزودينها حبتين ياشباب
بالنسبة للقطعتين , الأولى فيها حاجات صعبه
انت مش مطالب بمعناها
انت ممكن تجاوبها من غير ما تفهم هى بتتكلم عن ايه أساسا
والترجمة سهلة جدا ومتوقعة أيضا خصوصا السحابة البركانية
وانت مش ترجمان مش هيحاسبك على كل كلمة بالنص
أى حاجة تؤدى المعنى بيديك الدرجة
أنا عمرى ما حطيت القطعة ولا الترجمة ولا ال paragraph عقبه
الأستاذ صاحب التعليق اللى فوق ده عجبنى جدا
ودى اجابتى اللى أنا مقتنع بيها مع اختلافى مع الآخرين
رغم انى مش متخصص بس هو إحساسى فى الجملة دى بالذات انها were
وبينا نموذج الإجابة هههههههه
والله الانجليزى من أمتع المواد
لدرجة انه ممكن يتحل بالاحساس
وعلى فكرة سورى مستر أيمن حضرتك تشكر جدا على مجهودك
بس الشباب صغيرين وأعصابهم تعبانه
ولازم تستحملهم حضرتك بالطبع بتتكلم صح
وهم فعلا غلطلنين فى أسلوبهم اللى بيتكلموا بيه
بس اعذرهم ثانويه عامة بقى وعايزين يجيبوا 101 %
وربنا معاكم يا شباب
وشدوا حيلكم
عشان تيجوا تتعذبوا أكتر وأكتر عندنا فى الطب
هى الحياة ايه غير عذاب هههههههههههه
ونصيحة يا جماعة اللى بيحلم بطب القاهرة أو القصر العينى أو إسكندريه
مايجيبش 100%
عشان ما يتوزعش اقليمى ويروح أماكن ربنا وحده أعلم بيها
ربنا معاكم يا شباب واللى جاى يبقى أحسن
حاسس انى طولت بس يمكن عشان فاضى وأخد أجازة بدرى حبتين