[أمير الشعـراء]

أول مرة
أشوف موضوع واقعي عن المتعاقدين موضوع مبيباركش على التثبيت القريب جدا من مصدر مسئول جدا
زملائي
والله بكل إخلاص وحب وإشفاق
وأنا منكم
أقول لكم
هذا هو الواقع
وهذا هو ما نستحق
طالما استمرأنا إذلالهم
وقعدنا نقول :
هيثبتونا إن شاء الله
وقانون الكادر في صفنا
و .. و .. و .. و
وألف مبروك يا جماعة ...
أنا كنت في الأكاديمية النهاردة وقالولي هنثبتكو ....
وشفت النشرة بعيني ..
النشرة الجوية طبعا ..
ونبارك لبعض ..
ونقول الحمد لله ..
ربنا عوض صبرنا خير ..
والمسئولون يضحكون منا خلف الشاشات
وشكلنا بقى وحش جدا قدام الطلاب والمواطنين
وفي النهاية
عقد مؤقت للجميع لمدة سنة
يحدفوا الكورة بعيد على ما يشوفولنا اشتغالة تانية
تويفل مثلا
أو
دكتوراه في الكيمياء النووية من جامعة طوكيو بشرط ألا تكون بنظام الانتساب
وألا يتغيب المدرس عن مدرسته أثناء فترة الدراسة
طبعا لازم يكون المعلم المربي على درجة عالية من الثقافة
واحنا بنقول آمين
ودورات
وسبوبات ( جمع سبوبة )
من ورانا
للجامعات والمراكز والسيبرات والمدربون والجودة والـ .....
صدقوني
في ناس باعوا مصاغهم علشان ياخدوا الــ icdl ومازالو لا يعرفون شيئا عن الكمبيوتر

والنتيجة كلنا عايشينها

لازم نبطل تفاؤل كاذب ونكون واقعيين
ولازم نكون رجالة
ونقف وقفة جدية
سلمية
بس جماعية
ووقتها فقط هيبطلوا يستخفوا بنا
( فاستخف قومه فأطاعوه )
شكرا لكم جميعا ويا ريت محدش يزعل مني علشان أنا بحبكم كلكم