ها يا شباب ايه الاخبار
عاملين ايه ف المذاكرة
على فكرة انا لاحظت فيكم حاجة عجيبة
انتم بتجيبوا قطع ترجمة طويلة اوى و بسم الله ما شاء الله عليكم
بتجاوبوها
بس انتو مش بيجى لكم ف الامتحان اكتر من جملتين
و الصعوبة بتبقى ف كلمة واحدة و خلاصى
يعنى متقعدوش تشغلوا نفسكم بالقطع دى اوى
ف الامتحان بيجيب جملة واحدة من عربى لانجلش على ما اذكر يعنى
و جملين من انجلش لعربى
بس بيجيب كلمة او اتنين انتوا متعرفوهمش
بس بتحاولوا تجيبوهم حسب المعنى ده لو من انجلش لعربى
لو من عربى لانجلش بتحاولوا تجيبوا اقرب كلمة للمعنى
و اياك ثم اياكم تسيبوا مكان الكلمة فاضى
ده بيضيع درجة السؤال كله
لان جملة زى اللى هاتبها دى
Ali drank a of tea
الجملة دى ملهاش معنى و متعتبرش جمله اصلا
كمان ف الترجمة ركزوا على الجانب النحوى القواعد يعنى
و طبعا لازم تكونوا حليتوا work book
و خصوصا الامتحانات اللى تبقى ف وحدات المراجعة
و اسئلة ال rewrite
يعنى لو مفيش وقت عندكم
جاوبوا بس الامتحانات و اسئلة ال rewrite
كمان دليل التقويم
بس ما شاء الله المدرسين بتوعكم مش محتاجين توصية بيجاوبوه مرتين تلاتة
انا كمان شايفة ناس بتقول انها لسه مفتحتش القصة
انا دخلت امتحان تانية من غير ما اكون مذاكرة القصة اد كده
بس كنت حليت عليها كتير اوى
يعنى كان عندى فكرة عن الاحداث
و مع تكرار الاسئة بقيت عارفة اجابتها
اهم حاجة انكم تقروا القصة و لو لمرة من كتاب المدرسة
تقروا النص كامل
و ف الامتحان مترغوش كتير بمعنى ان مثلا ف سؤال complete
بيبقى مطلوب تكملى جملة بيجيبلكم عبارة اللى انتو بتقولوا عليها نص جملة دى
المفروض ان انتوا بتكملوا بعبارة كمان
مش تكتبوا جملتين تلاتة
بقصد ان زيادة الخير خيرين
لاء طبعا
الجواب يبقى على اد السؤال
و متشغلوش نفسكم دلوقتى بال quotations
العجيبة اللى هى yes-no-oh
الجو ده مبيجيش خالص ف الامتحان
بيجيب ف الامتحان جملة واضحة اوى
واضح مين قالها لمين و كله بيبقى clear ادامكم
يستحسن كمان ان لو حاجة اتقالت ف التليفون
قولوا on the phone
عادى ميجراش حاجة يعنى
متقعدوش تشغلوا دماغكم بالمحادثات الكتير
لان اد ما هتحلوا محادثات
ف الاخر هيجيلكم محادثة مشوفتوهاش قبل كده
و بتبقى سهلة
و السؤال او النقطة اللى بتبقى صعبة فيها
بيخلوا اجابته مفتوحة
اعتقد انهم عملوا كده ف سنة تالتة (السنة اللى فاتت يعنى)
كمان بلاش فكرة انك لو مش عارفة نقطة ف سؤال ال choice
تعيد السؤال تانى
ده غلط طبعا
رغم ان المدرسين بيقولوا ان الدرجة الاعلى هى اللى بتتحسب
هو فعلا ده اللى بيحصل
لكن لو الورقة جايبة 25 و اتراجعت بتنزل نص درجة عشان لسؤال اللى اتعاد ده
و ده اللى حصلى ف تالتة
بس يلا الحمد لله
لو فيه اى استفسار اتفضلوا قولوه
بس على فكرة انا مش مدرسةانا لسه مخلصة ثانوية عامة السنة اللى فاتت
يعنى انا ف اولى جامعة يعنى انتوا زى اخواتى الكبار
(بهزر طبعا)