اقتباس:
المشاركة الأصلية كتبت بواسطة النهضة قادمة
القانون المصري اعطى الحق فى ممارسة مهنة التحاليل الطبية لكل من الاطباء والصيادلة وخريجي كلية علوم والاطباء البيطريين وخريجى الزراعة بس يا ترى القانون كده مظبوط فى اعطائه الحق لكل هؤلاء فى ممارسة المهنة. اعتقد لا
فى البداية لازم نتفق انه لممارسة اى مهنة يجب ان تتوفر بعض الشروط العلميه والمهنية والعملية لممارسة تلك المهنة فبالنسبة للتحاليل الطبية يجب ان يكون الاخصائى قد درس المواد المتعلقة بالتحاليل الطبية وهى الميكروبيوجيا الطبية والكيمياء الحيويه الطبية والكلينكال باثولوجى الطبى بالاضافة الى دراسته المواد الطبية الخاصة بالامراض لكى يكون ملم باسباب المرض واعراضه وطرق علاجه ....الخ
وقبل ما يقولى حد ان اخصائى التحاليل الطبية دوره هو فقط التعامل مع العينة من غير التشخيص للحالة اقوله ماشى بس انت محتاج الخلفية الطبية دى فى فى التحاليل اساسا ازاى
اولا لاكتشاف اى خطا يحدث اثناء الشغل زى مينفعش واحد مثلا يطلع نتيجة direct bilirubinاكبر من total او يطلع نتيجة السكر الصايم اكبر من الفاطر او يعمل مزرعة بول لطفل عنده 6 سنين ويكتب ان المضاد الحيوي الوحيد المناسب هو سيبروفلوكساسين وغيرها من الامثلة اللى شوفتها من بعض الممارسين للمهنة.
ثانيا ان المريض المصري بطبعه بيحب يسال عن اللى عنده ومعظمهم مبيرضاش يمشى غير لما يحكيلك عن مرضه ويطمن منك فلازم تعرف ترد عليه وتطمنه.
طيب مين كل هؤلاء الذي سمح لهم القانون بالممارسة نتتوافر فيه شروط دراسة المواد المتخصصة بالاضافة الى دراسة المواد الطبية تعالوا ناخدهم واحد واحد
1- الاطباء بيدرسوا الميكربيولوجى الطبية والكيمياء الحيوية الطبية فى السنوات الاولى من الكلية صحيح مش بتوسع بس بيعوضوا ده بدراستهم كلينكال باثولوجى بعد كده بالاضافة الى دراستهم المواد الطبية مثل الباطنة و خلافه.
2- الصيادله بيدرسوا الميكربيولوجيا الطبية والكيمياء الحيوية الطبية بصورة اوسع شوية فى 0النظرى والعملى عن طب وبيدرسوا كمان المواد الطبية مثل الباطنة وكلينكال باثولوجى وخلافة طبعا مش بتوسع زي طب لكن بياخدوا كل الاساسيات الطبية علشان بيحتاجوها فى دراسة الفارما والصيدلة الاكلينكية التي تعتمد على التشخيص الطبى السليم لعلاج المرضى.
3- الكيميائين بيدرسوا ميكروبيولوجى وكيمياء حيوية بس مبياخدوش الفرع الطبى منها وكمان لا يدرسوا اى مواد طبية خاصة بالامراض .
4- الاطباء البيطريين بيدرسوا ميكروبيولجى وكيمياء حيوية بس طبعا مركزين اساسا على الجزء البيطري فيها وكل دراستهم الطبية الاخرى بيطرية فى الاساس.
5- الزراعيين انا مش عارف هم اتكتبوا اصلا فى القانون على أي اساس.
منقول
لموقف لاطباء البشريين
يقول د.شوقي الحداد،* وكيل نقابة الأطباء،* إن النقابة تسعي لإعداد مشروع قانون لمزاولة مهنة التحاليل الطبية،* بحيث يكون الأمر مقتصرًا علي الأطباء البشريين،* لأنهم أكثر الفئات دراية بطبيعة المهنة،* كذلك سيشمل تعظيمًا لدور الرقابة وحماية المهنة من الدخلاء والالتزام بمعايير الجودة،* وستسعي لعرضه علي مجلس الشعب بالدورة البرلمانية المقبلة،* وستبدأ ببنود قانونية لاستبعاد البيطريين والزراعيين والكيميائيين والصيادلة من مزاولة المهنة*.
ويشير إلي أن الحملات التفتيشية للصحة أثبتت أن أغلب المخالفات نتيجة لوجود أشخاص* غير مؤهلين ولم يحصلوا علي تراخيص مزاولة المهنة،* وبالتالي ليسوا علي دراية بآلية التعامل مع الأجهزة وبالطبع أغلبها منتشرة بالأقاليم والمحافظات البعيدة،* مستغلين ضعف الرقابة من قبل وزارة الصحة وقلة أعداد المفتشين*.
وينتقد* "الحداد*" الوضع الحالي مؤكدًا،* بأن مزاولة مهنة التحاليل الطبية أصبحت* "مهنة من ليس له مهنة*" ويرجع هذا لوجود قانون قديم،* لم يعد يواكب تطورات المهنة،* وأعطي الحق لأشخاص* غير مؤهلين طالما حصلوا علي دبلوم الباثولوجيا أو البكترلوجيا أو الكيمياء الحيوية وهو الأمر الذي أدي لتضارب نتائج التحاليل الطبية وتواجد الآلاف من معامل* "بير السلم*"،* ويدفع المريض الثمن في النهاية خاصة في ظل عدم إعلانهم عن تخصصاتهم الفعلية لمرضاهم*.
ويؤكد الحداد*: الأطباء البشريون هم أصلح من يمارس تلك المهنة،* فهي لا تعتمد فقط علي الكشف علي الأجهزة ولكن رجاحة خبرة الطبيب البشري في أخذ العينات ومعرفته بأنواع الأمراض وعلاجها،* وتعدد الفئات يؤدي للعشوائية*.
أشعلت أزمة النتائج* غير الدقيقة لكثير من المعامل الصراع بين خمس نقابات وهي*: الزراعيون والأطباء البشريون والصيادلة والبيطريون والكيميائيون،* وتدعي كل فئة أنها الأحق بمزاولة المهنة دون الآخرين* غير الجديرين بذلك وهو ما فتح الطريق لدخول الدخلاء لهذه المهنة وبالتالي فالضحية هو المواطن،* حيث التقارير المتضاربة وغير الصحيحة التي تخرج من هذه المعامل*.
وزارة الصحة من جانبها لا تمنح تراخيص فتح معامل التحاليل إلا للأطباء البشريين بينما تعمل كل الفئات الأخري علي أرض الواقع في المعامل وربما تسيطر عليها بل ويتهمون الأطباء البشريين بأنهم مجرد ديكور يحصلون من خلاله علي التراخيص وليس لهم أي دور آخر*.
يقول د.صابر* غنيم،* عضو لجنة التراخيص الطبية بإدارة العلاج الحر بالوزارة،* إن هناك حملات رقابية مرت علي حوالي* 200* معمل للتحاليل الطبية بمحافظات القليوبية والجيزة والشرقية،* فوجدت أغلبها* غير مرخص ويديرها أشخاص* غير مؤهلين،* ولم يحصلوا علي تراخيص مزاولة المهنة*. ويوضح* "غنيم*" أن أغلب العاملين بها من البيطريين والزراعيين،* وآخرين* غير مصرح لهم بمزاولة المهنة طبقا لقرارات لجنة التراخيص بوزارة الصحة والتي يرأسها الدكتور سعد المغربي،* والتي أقرت أن يكون المدير الفني* "طبيبًا بشريا*" ولا يصرح للصيادلة أو الكيميائيين بالعمل إلا تحت إشراف طبيب بشري*.
ويعترض* غنيم علي عدم تعديل قانون مزاولة المهنة رقم* 367* لسنة* 1954* والذي يسمح للبيطريين والزراعيين والكيميائيين والصيادلة والأطباء البشريين الحاصلين علي تخصص الكيمياء الحيوية بالحصول علي ترخيص مزاولة المهنة أو فتح معمل تحاليل،* لافتًا إلي أن قرارات لجنة التراخيص بمنع التراخيص للبيطريين والزراعيين لم تمنعهم من ممارسة المهنة*. وأكد* غنيم مطالبته أكثر من مرة بتعديل القانون واقتصار مزاولة المهنة علي الأطباء البشريين خاصة أن المعامل المرخصة خمسة آلاف فقط والآلاف* غير مرخص،* كما لا يوجد حصر بإعداد المزاولين للمهنة أو المخالفات*.
حتى لو
حتى لو
كان خريجي العلوم هم الاحق بممارسة تلك المهنة
ده لا يسمح لاى حد
ان يشتم في ارقي مهنة في الوجود
ويصفها بانها الأسوأ ع الاطلاق
الطب ليه احترامه وهيبته مهما كان
لولاه كانت انتهت حياة البشر من زمااااااااااااااااااان
وسيفسر الموضوع تفسيرات اخرى .......
ماشأن طبيب القلب ؟ والجراح ؟ والباطنى ؟ و ؟ و ؟و ؟
بان تلحق بهم تلك الصفة
بسبب شجار على معمل تحاليل !!!!!!!!!! 
انت حر ما لم تضر
وفي كليات الطب يعلمون دكاترة المستقبل شيئا اسم اخلاقيات المهنة
ومن اخلاقيات المنهة الا يشتم الطبيب اى مهنة اخرى ايا كانت .........
|
الكلام دة حضرتك فيه كلام خطا
لان خريج كليه علوم بيدرس اكتر بكتير من خريج كليه طب في التحاليل
في مرحله الاندر وبتبقي في كل فروع التحاليل وبيتخصص في فرعيين
فهناك البكالوريوس المزدوج
زى دول برة بالظبط
االكميا ميكروبيولوجى او الكمياحيوى ميكروبيولوجى
بعد دراسه سنين
في الفسيولوجى والسيايتولوجى والهيستولوجى والامبريولوجى والهيماتولوجى والبوتنى والكميا العضويه والغيرعضويه
ثم بعدهم سنتين تخصص في الكميا الحيو ى والميكروبيولوجى
وبعدها عندنا دبلومه وماجستير ودكتوراه في كل فروع التحاليل
سواء كانت كمياحيوى او ميكروبيولوجى او هيماتولوجى او باراسيتولوجى او باثولوجى
خريج كليه طب مش بيدرس الكلام دة الا مادة واحدة فقط كمياحيوى في سنه اولي ومادة واحدة ميكرو في سنه تالته
ع انه يرجعلهم في الماجستير
ودة خطا جسيم
فيه نقطة دراسه الكميا نفسها مش الكميا الحيوى خريج طب عنده نقص كتير في الحته دى
فتخيل حضرتك مواد الكميا الخاصه باجهزة التحايلل زى مثلا الاسبكتراسكوب وجهاز الاسبكتروفوتوميتر دة بيندرس اكتر من تلات مواد
اجهزة الان ام ار والماس سبيكترا
طيب شوف اجهزة الميرو والمناعه للي بندرسها من بي سي ار واليزا الخ
خريج طب ما بيعرفش حاجة عنهم حاجة خالص خصووصا اجهزة الكميا وعنده قصور فيها
دة غير طبيعه الدراسه في داخل كليه علوم وداخل كليه طب
فابسط حاجة هل خريج طب مسك انبوبه في معمل داخل كليته
عمل تحاليل وتجارب وعارف لما بيحط دة ع دة ازاى بيدى التفاعل
او بمعنى الاصح دارس
reaction mechanism
عشان يعرف ازاى التفاعل حصل
دى من ضمن النقط للي تفرق للي فاهم من للي مش فاهم
هل خريج طب عمل تحاليل وتجارب وكتب عليها كومنت وتفسير علمى؟؟
حجات كتير جدا خريج طب عنده نقص فيها
ودة بيظهر في الشغل
نقابه الاطباء بتخطف مهن غيرها عشان توفر وظايف للاطباء
ودى كارثه في حق المجتمع نفسه
اتمنى اننا بقي زى برة ويقصرو مهنه التحاليل ع كليه العلوم فقط