[روووووز]

المشاركة الأصلية كتبت بواسطة smsma81

مبدئيا الوزير الجديد د.احمد زكي بدر احسن وزير تعليم جه لحد دلوقتي وربنا معاه ويوفقه .مع الناس اللي في الوزاره نفسها .ومع اولياء الامور كمان !!!!
اقولكم ليه!
مبدئيا صندوق الاقتراحات بتاع التطوير ده نظام المفروض انه منفذ في المدارس كلها ومتشدد عليه من ساعه الراجل مسك .بس اللي بيحصل ان مدير المدرسه بيتحكم في الاقتراحات دي ومجلس الاباء مش بيتابع .واللي مش في المجلس مش متابع نفسه اصلا عشان يتابع ابنه .ولما الموضوع اتحط فيه جزاء .خلينا العيال تكتب .بس للاسف اللي كتب كتب حاجات نطري عشان يبقي مثقف .ملهاش دعوه بابنه اصلا كانه طالع في التلفزيون .
طيب بالنسبه لحصص الانشطه .قال يعني الطلبه ميت فل اوي وبيعملوا النشاط علي الاخر .فمش عايزين الحصص .ده الواحد فيكوا بيقعد يفرك في الكرسي ومش ثابت .ولا رياضه نافع ولا لغه عربيه شافع .مش شايفه يعني علماء طلعوا ونبغوا في الفتره الاخيره .
الناس اللي عايزه السديهات .ده كلام واحد قاعد في التكييف .في طالب والده سواق ترله .مش عنده غيره هو واخوه .والواد اصلا بيعتمد في الفطار علي بسكوت المدرسه اللي بيتوزع ومش عارف لما يروح حيلاقي عندهم غدا ولا لأ.والواد مسك العيال الشطار ونازل ضرب .جبته وقعدت معاه في ايه .المهم قعدنا نكلم سوا قالي في الاخر انا نفسي ابقي شاطر ومش عارف ليه؟عشان مش بعرف اقرأ.وطبعا هو في الصف الرابع الابتدائي ومينفعش المدرس يبدأ يديله من الاول .فبيمشي المنهج .والدرس اللي بيخده زييه زي الفصل .بالضبط المدرس بيوقف طالب في الدرس يقف عليهم !الواد اتعقد تقولوا سي دي .
سي دي من بقك .
نيجي بقأه نشوف ولي الامر مش كلهم عالم مثقفين وبيطلعوا ولادهم رحلات وبيجوا يتفهموا مع المدرس .هووووووووووهووووه
مره دخلت فصل رياض الاطفال التابع للمدرسه معاد خروجهم الساعه 12.5لقيت واحده جايه الساعه 12 تبقي المفروض جايه ليه تاخد الطفل لأ هي جايه تديله عصير عملته بنفسها في البيت ونفسه يشرب قدام زميله .وهو بيقولها ايه؟ اتأخرتي ليه يا حماره .يا جموسه .فضحكت وقالت لمدرسته شوفتي بيقول ايه .!
المدرسه قالتلها مش تضحكيله .كشري واحرميه من العصير .ردت قالت لأ ميهنش .قالتلها لما يكبر اكتر حيشتمك اكتر قالتلها مش مهم وزعلت من المدرسه دي نموذج من اولياء الامور .
ده غير بأه ولي الامر اللي ابنه في المدرسه الثانوي وبيساعده علي الاجرام مع المدرس .
بس فيه حاجه ناقصه اولا حعمل انتر فيو للمديرين بتوع المدارس واللي مينفعش مع سياستي والتطوير اطلعه معاش مبكر .واجيب غيره إذا صلحت الرأس صلح الجسد .وبعدين انزل لجان متخصصه في المواد تسأل العيال وتشوف العيل علي الطبيعه .ويجازي المديروالمدرس المسؤل لان المدير موجهش المدرس ومانذروش .وخلق جو حب .ونظام
بعد كده اقلل عدد الطلبه في الفصل عشان اقدر اسيطر عليهم في عمليه الفهم .واقدر افيدهم كلهم .انما المدرس يشيل 24حصه في الاسبوع والفصل فيه 55طالب ويقول نتيجه .ده بني ادم يا جماعه .
بعد كده لازم اخلي للمدرس هيبته هو باختصار الوزير بيربي الطالب وولي الامر .والله يعينه
ويعنا علي ان احنا نعينه .علي ان الطالب يبقي كويس والمدرس اللي مش عنده ضمير يروح الفيوم هههههه او المنيازي ما الوزير قال .لو ان بتوع الفيوم اشتكوا وقالوا الله يعنا .اللي مش عايز حاجه يجبها عندنا هههههههههه

شكرا