اقتباس:
المشاركة الأصلية كتبت بواسطة BlakBlak66
الرئيس والحكومه الحاليه فشلوا فى توفير المياه للشعب يا أستاذ السيد صابر
فهل لديك من يقوم بذلك ؟
ولاحضرتك زى غيرك تشيلنا الهم دون أن تطرح الحل ؟
وشكرا
|
السلام عليك أخي العزيز BlakBlak66
لم اظنك ترد علي بهذا الأسلوب
الكل يقول رأيه
ومن لا يعجبه رأي فلان يقول رأيه هو دون اعتراض من أحد
ولا أظن أني حجرت على رأي أحد, فأنا أقول ما أراه ولا شأن لي بقول الآخر إن كان متعصبا لرأيه بصورة لا تقبل النقاش.
وبعدين أنا مش بشيلك الهم واجري
الهم احنا كلنا شايلينه شايلينه
ثم إن فشلت الحكومة في توفير المياه فمن يستطيع أن يوفرها؟
وإن فشلوا فلماذا التمسك بالمناصب بالشكل ده وكمان يقللوا من شأن القضية؟
ما يسبوها للي فاهم
ومتقليش مين اللي فاهم
لإن مستحيل يكون 80 مليون مواطن مفيهمش غير الحكومة هي اللي بتفهم
وطبعا مش هيظهر منهم حد إلا بانتخابات نزيهة
مش تدمير كل واحد يحاول انه يساعد الناس
وابسط مثال الأستاذ مصطفى بكري
عايزين يدمروه فألغوا دائرته الانتخابية
مش صح كده وللا إيه؟
وبعدين الحل سهل والكل عارفه أخي الكريم
يعني مش محتاج أقوله
يصحو شوية من النوم ويفوقوا لينا -احنا الغلابة مش رجال الأعمال-
وللا لازم يحصل مصيبة وكارثة عشان يفكروا يفوقوا
وبعدين عاجب حضرتك اللي بيتقال إن الهيئات السياسية الكبرى في البلد بتدور على معلومات عن سد أثيوبيا اللي بيتبني من سنتين؟؟
ينفع ده في حق أكبر دولة عربية وإفريقية؟
وأختم بأني لا أحب صنع الخصومات
فإن كان كلامي فيه ما يغضبك سأطلب حذفه
فنحن إخوة كما قلتُ في مشاركة في موضوع آخر قبل ذلك
بارك الله فيك وفينا
وهدانا وولاة أمرنا لما يحب ويرضى
بس كده