انا مشكلتى اكبر انا فى شهر 5 ولسه مش خلصت التفسير والحديث وضايع منى الباب السابع فى الكيمياء والكهربية فى الفيزياء والاستاتيكا فى الرياضة والمواريث
لانى ببساطه كنت مريض وعملت عمليتين فى السنة دى والحمد لله على كل شئ بس شكلى هأجل السنة دى
ومش عارف اعمل ايه رربنا معايا ومعاكو كلكو .... قال الله تعالى (قل لن يصيبنا الا ماكتب الله لنا) صدق الله العظيم
انتو اعملو اللى عليكو واللى فيه الخير يقدمو ربنا ان شاء الله وعندى طريقة حلوة للمذاكرة يعنى
هطرحها عليكو انا عارف ان معظمكم بيعمل كدة بس فى طلاب مش بيعملو بالطريقة دى
قبل ماتبدأ مذاكرة خالص اتوضى وصلى ركعتين لله وادعى ان ربنا ييسر عليه الفهم والحفظ وان يذكرك بما نسيته
وبعدين تبتدى تذاكر ولما تحس فى وسط المذاكرة كدة انك زهقت او اتخنقت او فى حاجة هتشغلك قوم اتوضى تانى وصلى وادعى واستعيذ بالله من الشيطان الرجيم وهكذا واهم حاجة القرآن لان بالقرآن نحيا ولما تحفظ جزئ معين فى القرآن مش تنقل على اللى بعده الا لما تكون خلصت الجزئ ده وانت متأكد 100% وتنتظم فى صلاة الفجر فى المسجد .. وان شاء الله بالنجاح والتوفيق باذن الله