[ديدو الغلباوى]

بصى يا ساره منوره اولا طبعا
ثانيا بصى بقى بالنسبه للنظره التشاؤميه اللى بتقولى عليها دى انا والحمد لله عندى الامل فى ربنا كبير ومش بفقد الامل ابدا بالعكس انا بتمسك بالحاجه لو كان نسبه الامل فيها 1 من ميه فى المليون كمان
بس للاسف حال بلدنا صعب فيه التغير لان كل واحد بيقول وانا مالى هو انا بس اللى هغير الكون ربنا عايز كده وخاف تسلم وامشى تحت الحيط وخلافه من الكلام اللى بيتقال ذى كده يبقى هيجى من فين التغيير واحنا عايزين اصلا نبقى متخلفين بس برضو هقول هيجى يوم علينا ونتغير ممكن بس ياترى امتى اليوم ده بعد كام سنه اهو كل يوم قرارات وانظمه وحاجات بتصدر ولا حاجه فيها اتنفذت عاملين ذى جامعه الدول العربيه كده كل يوم مئتمر وياريت بيحلو فيه حاجه ولا ايه رايك
انا واحد من اللى بيحاول يغيرو من نفسهم ولكن كل لما اغير من نفسى الاقى مليون عقبه قدامى عشان اتغير خطوه شوفتى بقى ليا الحق بقى تبقى نظره التشاؤميه كبيره عندى اكبر من الامل ولا لاء وفى شباب كتيييييير بيغيرو نفسهم ولكن فى النهايه ايه اللى بيحصل جديد ولا شئ وده واقع الكل شايفه قدام عنيه
تحياتى للجميع بالتوفيق والنجاح الدائم