[شهريااار]

بصى يا ستى ولا سيدك إلا أنا .. الراجل المدير بتاعك دة أخد دورة تدريب تقييم المعلم المساعد فى فرع الأكاديمية اليومين اللى فاتو هو والموجهين كمان بس واضح انه كان بيمضى ويزوغ من التدريب ففاته إن التقييم دة للمعلم المساعد بعد كل سنه من سنتين تعيينه أى أنه تقييم لمدة مرتين طوال مدة تعاقد المعلم المساعد
وبما إن مديرينا وموجهينا لم يتلقو أى نوع من التدريب طوال فترة تعاقدنا كملعم مساعد فاكتفت الأكاديمية فى ملفنا بتقارير التقييم للموجه والمدير وهى تعلم أنه لا تم تقييم ولا يحزنون ولكن أهو اجراء ينص عليكى قانون الكادر وخلاص

أما المعلمين المساعدين اللى مامتحنونش فهم دول المقصودين بالتقيين دة وعشان بيدربو المديرين والموجهين عشانهم

احنا فلتنا خلاص

على فكرة كلمه "أنتو فلتو خلاص" اتقالتلنا من مسئول الأكاديمية فى الفيديو كونفرانس أيام ماكانو بيدربونا على طريقة حل الأمتحان قبل 20/11/2009

اتطمنى دة راجل مش فاهم ولا فهم حاجة من التدريب اللى حضره

طنشيه وقوليله راجع المادة التدريبية اللى أخدتها فى التدريب يا مدير