[theorcs]

أخوانى أعضاء منتدى كلية التجارة أهلا بكم
يوجد العديد من الاستفسارات حول موضوع كلية التجارة وهل هى من أحسن الكليات أم لا ؟
هل حياة المحاسب سهلة ؟
هل من الممكن أن يكون لنا مستقبل كبير؟
هل من الممكن أن تتنافس الشركات علينا؟
هل من الممكن أن يتحقق حلمنا ونعيش حلم عمرنا؟
هل من الممكن أن أكون أحسن واحد تتمنى أى عائلة أن أناسبها؟

الاجابة على هذة الاسئلة ممكن أن نقول نعم و ممكن أن نقول لا ولكن لماذا ؟
هناك نوعين مت الناس وهم من يقولون أن هجلس فى البيت وأصلى و أعمل كل حاجة كويسة وربنا هيقف بجانبى وهحقق كل أحلامى و نوع بيصلى برده بس بيسعى للنجاح وهذا هو النوع الذى يقف الله بجانبه
طب دلوقتى أحنا عرفنا الصلاة وبنصلى طب أذاى نسعى للنجاح وهذا هو الموضوع

الاول خليني اقولك كلمه من اخ ليك
قدامك طريقيين لا ثالث لهم
الاول
انك تتعب وتتعب وتتعب علشان تقدر تستريح بدري وتحصل علي مكانه ومركز اجتماعي ووظيفي محترم
الثانى
انك تكتفي باللي انتا فيه وتصبح مجرد موظف بدرجه محاسب (التسميه الحقيقيه باشكاتب)
تستني مرتبك اول كل شهر وتروح بيتك تتخانق مع مراتك علشان المرتب مش بيكفي لاول 10 ايام في الشهر

اخترت ايه
لو الخيار الاول
يبقي كمل معانا الموضوع

لو
الخيار الثاني
فاسف
الموضوع مش ليك

حياة المحاسب طويلة ولمن سهلة وتنقسم إلى جزئين :-
الاول وأنت لسة طالب هنعمل إيه

الاول هتحاول تحط لنفسك هدف بس الهدف ده لازم يكون أكبر من تموحك يعنى مثلا أحط هدف إنك تصبح الاول على الكلية علشان لو موصلتش يبقى أنت وصلت لهدفك الاساسى وهو إنك جايب تقدير كبير هيفيدك بعد كدة
ثانى حاجة أنك تهتم بالمحايبة أوىىىىىىى لان دى هى المادة الوحيدة التى سوف تعمل بها علشان كده لما تيجى تقدم فى وظيفة بيقولولك انت تقديرك فى المحاسبة فى الاربع سنين أه
ثالث حاجة انك لازم تستغل كل فرصة ليك سواء فى الدراسو أوى فى الاجازة عن طريق حاجتين كورسات اللغات وعلى رأسهم الانجليزى و كورس ال icdl ودى أهم خطوة لازم تعملها وانت طالب علشان متديعش تانى من عمرك كفاية أوى أنك متخرج عندك 22 سنة و سنة جيش و قول 5 سنين تكوين يعنى كفاية أوى 30 مع أن 30سنة ده يعتبر كبير أنه يدخل دنيا بس معلش هى دى تقاليد بلدنا الجميلة
رابع حاجة أبعد عن البنات الى هتديعك و نصيحة كأخ مجرب والله العظيم هيجى يوم و تضرب نفسك بالجزمة وهتلاقى نفسك جايب تقديرات ذبالة وده لو مكنتش شايل وهى جيبة أحسن منك و تسيبك وتروح لغيرك
خامسا و أخيرا أحترم دكترتك و أعمل علاقات أجتماعية مع الدكترة والمعيدين وال طلاب علشان هينفعوك بعد كده فى العمل
ثانيا بعد لما أتخرجت و خلصت الجيش هعمل أه ؟
بتنقسم إلى ثلاث مراحل

أولا مرحلة البداية
من سن 22:24
ودي مرحله التخبط
بمجرد ما الشاب يتخرج
بيشوف جيشه وبيشتغل في شركه والتانيه الخ
ويبدا يستقر في شركه
_______________________________________
ثانيا مرحلة النمو
من سن 24:40
ودي المرحله العمريه اللي
المحاسب بيحاول يبني قاعدة علميه وعمليه تؤهله لتولي منصب اداري اعلي في اسرع وقت
ودي يتنقسم ل3 مراحل فرعيه
من سن24:27
بيتولي الشاب فيها منصب محاسب عادي

من سن 27:30
منصب محاسب اول فرئيس حسابات

من سن 30:35
منصب مدير مالي شركه ما

من 35:40

مدير مالي واداري لمجموعه شركات

_______________________________________
ثالثا مرحلة النضوج
وهي مرحله جني ثمار العمل الشاق للمحاسب
وهي مرحله نسبيه
بمعني
انه يمكن لشخص ما ان يصل اليها في سن 35
والاخر في 40
والاخر في45او 50
حسب كفاءى الشخص وتطويره لذاته
بعدها بيبدا الشخص اما
في
1- استغلال سنوات خبرته في افتتاح مشروع خاص به براس مال كبير حصل عليه من سنوات تعبه
وعاده ما تواجه هذه المشاريع النجاح
لان المحاسب هو اقدر الاشخاص دائما علي اداره المنشات لكونه يجمع كل خيوط الشركه في يديه
او
- يلجا الي الاستمرار في الشركه في منصبه
ويصل لمنصب عضو مجلس اداره- شريك
كالمعتاد في الشركات العالميه والعابره للقاراتMULTINATIONAL

بعد معرفنا دورة حياه المحاسب
هنجد ان سؤال يطرح نفسه

ايه المطلوب مني علشان اقدر احقق اللي انتا قولت عليه ده كله

اتفقنا
ان الطريق طويل وشاق
هنبدا

اليك خطه العمل
اولا
مرحله رمي الاساسات والقواعد

بدراسه كتاب محاسبه ماليه الفرقه الاولي

ثانيا
دراسه الكتاب السابق ولكن هذه المرة باللغه الانجليزيه

ثالثا
التعمق اكثر فاكثر
بدراسه الاتي
اولا
دراسه محتويات
كورسات المحاسبه المتاحه علي المنتديات المحاسبيه

بعدها
يجب ان تقرا وتقرا وتقرا وتفهم وتشارك
في المنتديات المحاسبيه
فهذه فرصه ذهبيه لاستخلاص الخبرات العمليه الفعليه من المتواجدين
وهذه قائمه باشهر المنتديات والمواقع المحاسبيه

بعدها
يمكنك دراسه الكتب التاليه
محاسبة شركات الأشخاص

محاسبة شركات الأموال

المحاسبة في المنشات المالية

الخطوة الاخيرة

هي دراسه شهاده مهنيه
مثل MBA اة الماجستير
او الشهاده المفضله لدي العديدين
السي ام اي
CMA

وهذة الشهادة مهمة جدا جدا جدا جدااااااا لكل واحد ولكن نصيحة لا تحاول أن تأخذها الا بعد لما تأخد كورس أنجليزى وتصبح جيدا فى الانجليزى و عدد الحاصلين عليها فى العالم العربى كله يمكن عده على اليد
وفى هذا الرابط شرح لفوائد الشهادة وما هى هذة الشهادة الاكثر من روعة للاخ thenomadic
http://www.thanwya.com/vb/showthread.php?t=155654

تتسائل عزيزي الزائر عن الخطوة التاليه
اذا اتبعت الخطوات السابقه
فيمكنك بعدها بسهوله ان تحدد باقي خطواتك
ويجب فى الاول والاخر التقرب من الله عز وجل لانه هو نعم الوكيل

و



أخوكم فى الله مصطفى (theorcs)

وأرجو التثبيت نظرا لأهمية الموضوع ولكى يقرأه كل واحد و يستفيد و أرجو الدعاء لى أذا أعجبكم الموضوع
وشكرااااااااا