لا تغضبوا من الرأي القادم
هو لتلميذة
" ويجب أن نحترم وجهات النظر "
ولكن لماذا بقصد أو بدون دفعنا طلابنا لقول كلام مثل هذا على شخصية عظيمة؟
إيه على مبارك ده؟
"فلما جاء سعيد، وجد أعداء على و حساده من أذنى الوالى الجديد وعاء واسعاً صبوا فيه أكاذيبهم المحبوكه، فأبعده عن نظارة المعارف......
خرجوا لتوديعه و هو مسافر، ينشدون الأناشيد و يهتفون الهتافات الصادره من صميم أفئدتهم، اعترافاً بأعمال هذا الرجل العظيمه التى ينكرها حساده و شانئوه.
سلم امره إلى ربه و صبر على بلائه فساق إليه الفرج، و فتح له باب الرزق فى عمل حر بعيد عن الوظائف و تقلباتها و دسائسها.
وقد ألحقتك بمعيتى لتكون دائماً بجانبى ..... سر على بهذه الفرصه التى كان يتحينها"
معانى المفردات:
المحبوكه: المحكمه
معيتى: حاشيتى
إضطراب: إختلال
الأثناء: الأوقات و جمعها ثنى
معيتى: حاشيتى
اللى قرأتوه فوق ده هو جزء من قصة على مبارك اللى علينا فى اللغه العربيه فى سنه 6 إبتدائى. و هى أوحش قصه أقراها فى حياتى و The worst book everrrrr.
الكلام بتاعها صعب و مش مفهوم، و حتى معانى الكلمات برضه مش مفهومه، يعنى الكلمه صعبه و معناها صعب برضه.
مدرسين العربى مش بيحسوا إنها صعبه، يمكن لأن عندهم 500 سنه و ده العربى بتاعهم....بس بابايا، عنده 300 سنه، قال لى لما قراها إنها صعبه و بايخه قوى..و قال لى إن ده مش العربى اللى عايزنى اتعلمه و إن الكلام ده مابقاش حد يستعمله، و إن العربى لغه حلوه مش زى القرف ده.
أنا مش فاهمه .... بس فى القصه بياخدوا وقت طويل قوى علشان يشرحوا حياته .... خشوا فى الموضوع يعنى على طول و قولوا ليه هو مشهور.
فى الإنجليزى أخدنا شخصية Bran Stoker و هو اللى عمل قصة Dracula ..... قالوا لنا نعمل research على الإنترنت بنفسنا و كل واحد عمل Power Point Presentation فيها information عنه.
بالطريقه دى كل واحد فينا إتعلم من التانى و من اللى لقاه بنفسه .... و علشان كده It was fun and educational.
فى التاريخ بقى .... بتاع الـ International ، كل واحد حيعمل Project عباره عن كتالوج فيه الحاجات اللى بيحتاجوها اللى طالعين يحاربوا فى الـ Middle Ages. يعنى نحط انواع أسلحه و لبس و عربيات و حاجات تانيه كتير.
تفتكروا بقى أسيب الـ Project ده و Bran Stocker و أذاكر على مبارك ...... مين على مبارك ده؟ لو هو كان راجل كويس .... ليه عاملين حكايته وحشه كده؟
ليلى رمزى