اها وصلنا للقرايه اولا انا كنت مدمن قرايه بس في الكتب وبحب الأدب الانجليزي جدا وبحب الروايات الانجليزية كلها بس تقريبا بنسى اللي بقراه بسرعه افتكر الأحداث لكن الاسم والمؤلف سبرتو من كتر اللي بقراه ........


نيجي للالكترونيات انا كنت مش مدمن الكترونيات لكن كنت مدمن جرافيك وللأسف بسبب عشقي الكتير ليه كنت مالي الهارد بتاعي ببرامج جرافيك رهيبة وفي يوم الهارد اتملى بادات والميموري ضرب واتمسحت البارتشنات باللي عليها ودا من سنتين كدا واتفرمت من جديد واتقسم وكل اللي عليه راح وليا سنتين مبعملش تصميم دلوقتي مش بعرف اشتغل على الفوتوشوب للأسف بعد ما كنت محترف فيه

وفي مرة حسيت ان عنيا بتوجعني وغبت اسبوعين مدخلش نت تقريبا روحت للدكتور وهو يعرفني فبيقولي انتا بتقعد كام ساعة نت يا محمد في اليوم

قلتله 12 ساعة يا دكتور

قالي حرام عليك يا كزا اللي اخترعه مكنش بيقعد على الكومبيوتر قدكم

ومن يومها طبعا لقيت نظري ضعف بعد ما كان 6/6 حااااااد

من كتر القرايه انا كنت بفتح 20 موقع في وقت واحد وبشارك في اكتر من موقع ومنتدى وكان عيبي انا بقرأ اي موضوع في منتدى بكل ردوده وساعات موضوع كان بيبأى 20 صفحة وكدا وردود وهمية وانا اقراها لانه بيبأى فيها مناقاشات

جيت بأى بعد فترة اشتريت انا القصص والكتب وقريت في البيت وانا ليا خالي عنده مكتبة كبيرة جدا من جدي يعني فيها كتب رهيبة بروحله البيت وادخل المكتبة واخدلي كام كتاب وارجعهم ليه تاني وبكدا قللت قرايتي لمعلومات عن النت

ولاحظت ان اغلبية معلوماتي اللي اعرفها من النت بتتنسي بسرعة لاني مش ببأى مديها تركيز شديد زي اي حاجا

بدأت اقلل من النت فترة فترة ةغبت مدخلش اسبوعين عرفت انه حاجا عادي جدا جدا

فانا بقولك يعني قلل من استخدامك وبلاش تقرا ع النت غلط على نظرك أأأوي

سلام