اخواني الاعزاء دي مش ديكتاتورية ابدا و الله دي قوانين منتدي
و ماينفعش تدخل بيتك تلاقي الجزمة في الدرج و الشنطة علي باب الشقة و السرير في الصالون
النظام اساس اي عمل
و اللي يكره النظام اسمحولي يبقا بيطلب منا اننا نكون عشوائيين و هذا ما لم و لن يحدث في بوابة الثانوية العامة
النتيجة يمكننا الحديث عنها هنا بما يتناسب مع قسم الكادر باسلوب ليس فيه تجريح لاحد
او لوزير او لغفير لان السب لم يكن ابدا حلا لاي مشكلة
دي نقطة
النقطة الاهم بقا ... اني بقول ممنوع كتابة موضوع يكون محتواه كالتالي
((( النتيجة خلاص يا جماعة هتظهر ان شاء الله )))
ده كلام بالله عليكم؟
انا حذفت مئات الموضوعات لها نفس المحتوي التافه ده الذي لن يفيد احدا
ما كلنا عارفين ان النتيجة ستظهر
لما تبقا تظهر نتكلم بقا عنها زي مااحنا عايزين و نعلق عليها
انما لعب بالمشاعر و عناوين كاذبة لن يحدث في قسم الكادر
و ذلك للحفاظ علي سمعة المنتدي و شكله و مظهره امام الجميع
و لا اعتقد ان القوانين التي تنظم اي عمل تزعل حد الا الراغبين في عدم الالتزام و اثارة الفوضي
احنا شعب حضارات
عيب لما نبقا فوضويين كده يا جماعة
أحيي كل واحد اقتنع بوجهة نظري
و اقول لكل من لم يقتنع
ارجوك ... كل قسم له اختصاصه
و الدردشة اللي حضرتك بتتكلم عنها دي ممكن تتعمل في قسم قضايا و مشاكل المعلمين
و ليس في قسم الكادر
ارجوك احترم التخصص
ارجوك احترم النظام
ارجوك احترم القوانين
مش معقول تبقا داخل تبحث عن نتيجة في موقع الثانوية
تلاقي مليون موضوع تافه ليس له قيمة
ارجوك تقبل قوانين المنتدي التي وافقت عليها سلفا و انت تقوم بالتسجيل في المنتدي
انا مشرف الركن بأكمله
و من حقي حذف اي موضوع مخالف
و ليس هذا ديكتاتورية اطلاقا
و ياريت يا جماعة بلاش الكلمات الضخمة اللي مالهاش لازمة دي
ربنا هيسألني كمشرف عن القسم ده
دي مهمة تم تكليفي بها ليس لها اي علاقة بتعنت او ديكتاتورية
لا تعرض موضوعك للحذف ارجوك
و تخير القسم المناسب
و لننتقي جميعا الفاظنا
لاننا في منتدي تعليمي
و لاننا نعبر عن فئة المعلمين المحترمة
و لن يسمح المنتدي باهتزاز تلك الصورة في اعين الناس و الطلبة الذين يدخلون المنتدي