اقتباس:
المشاركة الأصلية كتبت بواسطة داندن
|
اهلا بك يا دندن
طبعا مشكلة الكلمات دية تكاد تكون عند معظم الطلاب
وخلاصة الكلام فيها هى انى لابد ان احفظ الكلمات كتابة
بالورقة والقلم وكمان فى نصيحة شخصية منى لكل طالب بيشتكى من الجزأية دية
طبعا مش كل الكلمات بتنسيها اكيد بعضها صح
يبقى انتى المفروض تعملى ليكى كراسة خاصة بك وتكتبى فيها اهم كلمات الدروس وكل ما تحبى تراجعى تراجعى من خلالها
اما بالنسبة لمراجعة المنهج انا مثلا بفضل ان اى مدرس يعمل ملزمات خاصة او ورق خاص بكل سؤال على حدة ويكون مجمع لكل الجمل التى وردت فى امتحانات الثانوية او دليل الطالب بحيث ان الطالب لما يحب يذاكر سؤال فى المنهج يلاقى كلمات السؤال والجمل والامثلة علية وهكذا فى كل سؤال من الاسئلة المعروفة على ثانية ثانوى
وكمان بالنسبة للقواعدالمفروض انى كطالب اخد كل يومين او ثلاثة قاعدة بجوار الاسئلة التى اقوم بمراجعتها
وبعد كدة لما اخلص مراجعة على كل الاسئلة وكل القواعد ممكن اجيب كتاب امتحانات خاص بى انا غير الى مدرس الدرس بيشتغل فية معنا فى الدرس لية ..........................؟
علشان بكدة هلاقى نفسى مع الحل الكثير لوحدى ومع مدرسى هحس ان خلاص اخدت على نوع الاسئلة وكيفية حلها والتعهامل معها وانا بصراحة شايف ان النقطة دية مهمة جدا يعنى لابد يكون للطالب شغل اخر غير الى بيشتغل فية مع المدرس واى حاجة تقف امامة ممكن يسأل فيها مدرسة
واعتقد لوطبقتى الكلام دة ممكن تحسى بتقدم على مستواكى
الخلاصة بقى فى كل الرغى بتاعى دة هى
1* الخص كلمات الدروس الهامة فى كراسة تكون خاصة بى
وكمان لو ممكن اذود كلمات هامة بتاعت الاسئلة زى اين تقرأ والاماكن وهكذا
2* اشترى كتاب امتحانات غير الكتاب الى المدرس بيشتغل فية فى المجموعة واحل انا منة على كل جزأ من ةالمنهج بعد ما اذاكرة يعنى اذاكر الاماكن اجيب الكتاب واحل لوحدى بدون مساعدة احد الا فى السؤال عن الكلمات الصعبة
3* انا كمدرس بلاحظ ان كثير من الطلبة لايهتمون بترجمة بعض الكلمات الهامة فى اسئلة من يقول واين تسمع
يعنى المطلوب منك انك تترجميها وتحطيها فى كراسة الكلمات الى انت هتعمليها
4* اخر واهم حاجة دايما هى التوكل على الله وحسن ةالظن فى الله وان تكونى على يقين ان الله لايضيع اجر من احسن عملا لان كل طالب مطالب فقط بالاجتهاد وان يقوم بعمل ماعلية اما النتيجة فمن الله
ولكل مجتهد نصيب
وختاما .................................
انا اعلمى جيدا ان النجاح سهل المنال لكن التفوق يحتاج الى مزيد من الجهد والتعب والسهر
واخيرا اتمنى ان تطبقى ما قلتة لكى لعلى الله ينفعك بكلماتى هذة
مع خالص تحياتى لكى بمزيد من التوفيق