سبونى اتكلم من حرقة الدم اللى انا فيها ؟
من المسئول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا بصراحه مش عارفه اقول ايه
النفسيه بقيت زى الزفت ومين المسئول مش عارفه
بدأوا السنه ورعبونا على عيالنا
وبااااااااااااااااااااااااااااااااااء
وخطر شديد على عيالنا
الزحمه غلط واحنا متوقعين ان الحاله حتسوء فى المدارس
وكلام كتييييييييييييييييييييييييير طبعا مرعب
وطبعا انتوا عارفين انا بتكلم على ايه
انفلونزا الخنازير
ومن كلامهم خلونا نقول
لا والف لا
صحة عيالنا اهم من الدراسه
وبالتالى قعدنا عيالنا
ده غير القرار اللى اخدوه بأن المدارس متبقاش كل يوم
كل ده دافع يخليك تترعب لا تموت من الرعب على عيلك لو حتى عطس فجأه
ده غير انها عندها حساسيه فى الصدر
وده طبعا كانوا بينوهوا على انهم اكتر عرضه للاصابه
المصيبه اللى مكنتش فاهماها
انى لما قعدتها من المدرسه
وابتديت اذاكرلها
وبما انها شاطره وزكيه
ماكنتش محتاجه ادخلها درس عند مدرسين المدرسه كنت مكتفيه بالمعهد اللى خالها فاتحه
ده غير عنادى من المدرس اللى كان مصتقصدها
ومصمم انها تاخد درس عنده
اتاريه كان فاهم هو بيعمل ايه :abdoog8:
لغاية مااكتشفت المصيبه
وامتحنت والحمد لله كانت بتجبيلى الاجابه اللى جوبتها فى ورقه
وكانت الاجابهميه فى الميه مرضيه
متخيلتش المصيبه
انى الاقى البنت
سقطت فى كل المواد
رغم انها مجاوبه صح الصح كمان
ولما اتكلمت قالولى ديه اعمال السنه هى السبب
يانهار اسود
يعنى البنت تتعب وتذاكر ويطلع عين اهالينا
وفى الاخر تقولونا اعمال السنه
الحجه اللى عرف بيها يكسر نى
يرضى مين ده ياناس
انا بتكلم والله اعلم بيا
وفى الاخر هو اللى كسب
لان اللى بياخد درس هو اللى بينجح
يعنى اتساوت
الطالب اللى بيذاكر وطالع عينه بجد
زى الطالب اللى بيعديها ببركة الله
زى الطالب الغشاش
قولولى اعمل ايه
رغم ان مفيش حل طبعا
اعذرونى انى ضايقتكوا
بس الاحساس بالظلم وحش جداااااااااااااااااا
وحسبى الله ونعم الوكيل
|