اقتباس:
المشاركة الأصلية كتبت بواسطة لوجين 3
السلام عليكم
يادي الكسوف والله ما انا عارفة اقولكم ايه انا بعدت لفترة طويلة بس والله العظيم غصب عني وخاصة اني علمي احياء يعني بتاخد كل الوقت وكمان كان عليا الفترة اللي فاتت دي كلها امتحانات ومراجعات في كل المواد واقسم بالله كان بيبقي عليا امتحان ممكن في كل المنهج اللي خدناه كلمة كلمة وكان ايام بتبقي شرح كتير في كل المواد ده غير الرسم اللي في الاحياءاللي بيطلع عيني، ده غير المدرسة اللي بنروحها لان المدير بيحبنا بطريقة ما شفتهاش لدرجة ان الانذارات بتنزل زي المطر اناهيجيلي فصل قريب جدا ،بس الحمد لله احنا بنعمل اللي علينا وربنا يجازينا
وعلي العموم انا اسفة علي الانقطاع وان شاء الله مش هتحصل تاني
وانا شفت المشاركات الليكتبتوها وبصراحة جميل اوي الشغل ده والنشاط زايد علي الاخر
ومن الاخر احب تقبلوني مرة تانية معاكم
وانا معايا شوية تعبيرات يا رب تفيدكم
to devote himself to , يكرس حياته ل
we have to stand firmly against علينا ان نقف بحزم ضد
solid national unity وحدة وطنية متماسكة
on an equal footing with علي قدم المساواة مع
والتعبير ده بقي عزيز عليا اوي لانه جاني في امتحان وفبركته لاني ما كنتش عارفاه خالص
mass production , ومعناه (الانتاج بالجملة ) وممكن فبركته بأشكال تانية
وده سؤال ا ماكن واشخاص
(a) how much does this watch cost
(b)150 L.E
(a)that's too much . what if i gave you 120
(b)but it is very good quality .anyway i will give it to you for 130 L.E
وانا شايفة اننا لازم نهتم بالبرجرافات شوية وخاصة اللي المنهج بيتكلم عنها في معظم الوحدات وانا بيقولوا كدة اني بكتب براجرافات كويسة الي حد ما وانا مستعدة اني اكتب العناصر اللي ممكن نتكلم عنها في البرجراف اللي هنكتبه وممكن شوية جمل يخلوا البرجراف جذاب
|
اولاً : تنورى فى وقت ^^
ثانياً : الله يكون فى عونك الاحياء صعبة فعلاً شوية ( بس الكيمياء اصعب ) و بخصوص المدرسة اعطسى عطستين هتلاقيه ادالك سنة اجازة ...
و الدروس و الدراسة اهم ميت مرة من المنتدى و من الموضوع
ثالثاً : شكراً على التعبيرات الحلوة دى و لو كنتم عايزين تعبيرات اكتر كنت حطيت بس انا كنت فاكر ان شغلكم فى اليونيتات بس ... على فكرة مش لازم تحطى فى الترجمة التعبير بنفسه ممكن تفبركى فعلاً عشان احنا مش انبياء بنحفظ كل حاجة ^^
رابعاً : ايجابة السؤال
Place: Watches Shop / Watchmaker's
A)Customer
Seller
خامساً : انا معاكى فعلاً اننا اهملنا البراجرفات ان شاء الله هنستغلك لانك شاطرة فى البراجرفات ^^ و انا كمان بردو بيقولوا انى شاطر فى البراجرفات لانى اصلاً كنت بكتب فى جريدة المدرسة بتاعتنا بالانجليزى ( المدرسة القديمة ) ان شاء الله لو حتى انا و انتى كل مرة واحد فينا ينزل برجراف
و شكراً يا لوجين على اهتمامك بالموضوع ^^
اقتباس:
المشاركة الأصلية كتبت بواسطة ميراسعد
امجد على فكرة فى بدايه الموضوع قولت انه هيكون فى كل المواد ياريت تعمل ده
|
و الله يا ميرا مش هنيفع للاسف لان مفيش وقت اديكى شايفة انا مش ملاحق فى الموضوع ده هنلاحق فى اتنين ؟! و ايه رأيك فى خمسة بقى ده غير ان فيه هنا علمى و ادبى و غير كده هنا فى علمى احياء و علمى كيمياء ( زى حالاتى ) و فيه ادبى تاريخ و فيه ادبى علم نفس و فيه ادبى فلسفة فصعب لم الحكاية و فيه هنا ناس فرنساوى و فيه هنا المانى الحكاية مش صعبة الحكاية مستحيلة ^^
اقتباس:
المشاركة الأصلية كتبت بواسطة سندريلا س
أزيكم يا جماعه أنا عايزه أقول معلومه ممكن تنفعكم
i could not agree more =i agree completely
أنما
i could not agree less=disagree completely
|
شكراً جداً على المعلومة الجميلة دى و ياريت نشوف منك اكتر
اقتباس:
المشاركة الأصلية كتبت بواسطة سندريلا س
السلام عليكم ميرا أنا قريت ان كان في امتحان ممكن تقوليلى الاقيه فين؟
شكرا
|
مينفعش انا ؟ ^^ الامتحان اهو ( مش امتحان اوى هو 67 سؤال Find عاملهم الاستاذ الفاضل بدوى الدجوى
الرابط :
http://www.thanwya.com/vb/attachment...6&d=1262140171
و نورتى الموضوع ...