[محمد رافع 52]

عم يتسائلون..


عَمَّ يَتَسَاءلُونَ (1) عَنِ النَّبَإِ الْعَظِيمِ (2) الَّذِي هُمْ فِيهِ مُخْتَلِفُونَ (3)

عَمَّ يَتَسَاءلُونَ (1)
الناس النهاردة.. في جدل.. و خلافات.. و نزاعات..
ياترى فيه عذاب قبر؟.. هو السلام باليد على المرأة حلال والا حرام؟.
الصحوبية.. الحب..
هو كل حاجة دين دين؟.. هاتدخلولنا الدين في كل حاجة؟..
عم يتسائلون...
عَنِ النَّبَإِ الْعَظِيمِ (2)
أي نبأ؟؟
و مين اللي بيقول انه عظيم؟...
محتاجين نحس قوي الحتة دي..
الواحد فينا ممكن يبقى قاعد قدام التلفزيون.. بيقزقز لب.. و بيشرب شاي.. و ييجي خبر.. طيارة وقعت..
عادي.. وايه المشكلة؟..
طبيعي.. أصله مش جوة الطيارة..
لو كان جواها.. كان فرقت معاه كتير..
مضيف جوي بيحكي.. بيقول مرة كنا في رحلة.. و الطيارة دخلت في سحابة مكهربة.. و حصل عطل ما.. الطيارة كانت مهددة انها تقع .. كانت بتترج..
و يقولك تشوف حال الناس ساعتها.. مهما حكيتلك.. مش هاتصدق.. اللي بيبكي.. واللي بيشد في شعره.. واللي مرمي على الأرض.. و بقينا قاعدين نهدي الناس .. على مايتم اصلاح العطل.. و لفت نظري واحد بس.. كان في قمة الهدوء.. رحت اشوفه.. لقيته مغمى عليه..
كل ده.. و أخينا التاني لسة قاعد .. بيقزقز لب.. و بيشرب شاي..
المدخن.. بيسمع كل يوم ان التدخين خطر.. و بيسمع كل يوم.. عن ناس ماتوا بسبب السرطان .. بسبب التدخين..
و مع كل سيجارة بيسحبها من علبة السجاير.. بيقرا عليها.. التدخين ضار جدا بالصحة.. التدخين يسبب سرطان الرئة و و و ..
و مع ذلك.. بيفاجأ لما يجيله سرطان.. و بيفاجأ و هو على سرير الموت..
ايه علاقة ده بموضوعنا.. ؟؟
عشان تحس يعني ايه لما ربنا سبحانه وتعالى يقولك “النبأ العظيم“.. لما الله سبحانه و تعالى. العظيم.. يقول على حاجة انها عظيمة..
تخيل عندك طفل صغير.. و رجل كبير.. رجل أعمال..
تسأل الطفل.. معاك كام؟.. يقولك معايا فلوس كتيييير..
و تسأل رجل الأعمال.. معاك كام؟.. يقولك معايا فلوس كتييييير...
ياترى كتير بتاعت الطفل الصغير.. زي كتير بتاعت رجل الأعمال؟..
انت بتقدر معنى الكلمة.. بقدر اللي قال الكلمة..
مين اللي بقول هنا انه نبأ عظيم؟..
فَسَبِّحْ بِاسْمِ رَبِّكَ الْعَظِيمِ(52)
( سورة الحاقة )
وَهُوَ الْعَلِيُّ الْعَظِيمُ(255)
( سورة البقرة )
إِنَّهُ كَانَ لا يُؤْمِنُ بِاللَّهِ الْعَظِيم(33ِ)
الَّذِي هُمْ فِيهِ مُخْتَلِفُونَ (3)
خليهم يتسائلون..
فَذَرْهُمْ حَتَّى يُلاقُوا يَوْمَهُمْ الَّذِي فِيهِ يُصْعَقُونَ(45)
( سورة الطور )
هايفضلوا يتسائلوا..
هايفضلوا مختلفين..
احنا اتخلقنا عشان ايه؟.. عشان المال.. والا القوة والا الأولاد والا عشان نعيش..
الا عشان نتمتع.. والا والا..
حتى تأتي الآخرة.. فيصعق.. يكتشف انه خسر الآخرة.. ويالها من خسارة.
تخيل معايا كده حال الإقطاعيين اللي جت عليهم الثورة و أممت كل ممتلكاتهم.. ت
خيل حال واحد قعد يجمع في أموال طول عمره.. و جت الثورة بجرة قلم.. تجرده من كل ممتلكاته.. ياترى كان ايه احساسهم؟..
فما بالك بواحد ييجي يوم القيامة.. يكتشف انه في ساعة واحدة.. مش خسر أمواله في الدنيا.. الأموال ممكن يعوضها.. لأ ده خسر الآخرة كلها..
قُلْ إِنَّ الْخَاسِرِينَ الَّذِينَ خَسِرُوا أَنْفُسَهُمْ وَأَهْلِيهِمْ يَوْمَ الْقِيَامَةِ أَلا ذَلِكَ هُوَ الْخُسْرَانُ الْمُبِينُ(15)
( سورة الزمر )
الخسارة الحقيقية.. هي الخسارة الأبدية.. خدنا في الرياضيات.. ان اي قيمة لو قسمتها على مالا نهاية.. النتيجة “صفر“.. فالدنيا مهما كانت.. بالنسبة للآخرة.. صفر.. عدم.. ياللي عاوز الصفر.. و تضحي قصده بالانهاية.. براحتك.. بس ماتلومش الا نفسك..
هو ده النبأ العظيم.. اللحظة اللي كل واحد يعرف فيها مصيره..
عشان كده المؤمن لما يربح في الآخرة.. يقول :“لم أر شرا قط“.. كل المصائب و الإبتلاءات في الدنيا.. كل ده ولم أر شراًقط؟.. مش قلنا الدنيا بالنسبة للآخرة.. صفر؟
و الكافر.. بعد كل نعيم الدنيا.. حين يرى مكانه في جهنم. ماذا يقول؟.. يقول: “لم أر خيراً قط!“..
الغني.. غني الآخرة.. و الفقير.. فقير الآخرة.. و العاقل.. اللي مايضيعش جنة عرضها السماوات و الأرض.. بدنيا زائلة..
الإنسان في الدنيا.. الحبل مرخي له.. براحته.. يصلي.. مايصليش... ياكل من حلال.. ياكل من حرام.. يطلق بصره.. يغض بصره.. يكدب.. يخون.. براحته..
اعْمَلُوا مَا شِئْتُمْ( سورة فصلت : من آية “ 40 “ )
كله بحسابه.. في يوم النبأ العظيم.. يوم لا يتسائلون.. لأنهم علموا الإجابة..
فَكَشَفْنَا عَنْكَ غِطَاءَكَ فَبَصَرُكَ الْيَوْمَ حَدِيدٌ(22)
( سورة ق )
أكفر كفَّار الأرض حينما جاءه الموت قال :
آمَنْتُ أَنَّهُ لا إِلَهَ إِلا الَّذِي آمَنَتْ بِهِ بَنُو إِسْرَائِيلَ( سورة يونس : من آية “ 90 “ )
يعني مسألة الإيمان مسألة وقت..
اما ان تؤمن في الوقت المناسب.. فينفعك إيمانك.. و اما أن تؤمن بعد فوات الأوان.. فتشقى بإيمانك..
اقتباس:
كَلَّا سَيَعْلَمُونَ (4)
عند الموت
اقتباس:
ثُمَّ كَلَّا سَيَعْلَمُونَ (5)
يوم البعث و النشور
زي مابنقول بلغتنا كده.. بكرة تشوف و تعرف..
و تبدأ الآيات بعد كده.. توضح لك قدرة الله في الكون..
تقولك معقولة كل ده.. و مافيش حساب؟..
معقولة مثلا الدولة تقرر تبني جامعة..و تكلفها ملايين.. و تقعد سنين تتبنى.. و بعد ماتتفتح بسنتين يقرروا يهدوها؟..
فما بالك بالله..
اقتباس:
أَلَمْ نَجْعَلِ الْأَرْضَ مِهَاداً (6) وَالْجِبَالَ أَوْتَاداً (7) وَخَلَقْنَاكُمْ أَزْوَاجاً (8) وَجَعَلْنَا نَوْمَكُمْ سُبَاتاً (9) وَجَعَلْنَا اللَّيْلَ لِبَاساً (10) وَجَعَلْنَا النَّهَارَ مَعَاشاً (11) وَبَنَيْنَا فَوْقَكُمْ سَبْعاً شِدَاداً (12) وَجَعَلْنَا سِرَاجاً وَهَّاجاً (13) وَأَنزَلْنَا مِنَ الْمُعْصِرَاتِ مَاء ثَجَّاجاً (14) لِنُخْرِجَ بِهِ حَبّاً وَنَبَاتاً (15) وَجَنَّاتٍ أَلْفَافاً (16) إِنَّ يَوْمَ الْفَصْلِ كَانَ مِيقَاتاً (17)
ايه العلاقة بين الآيات من “ألم نجعل الأرض مهادا“ لغاية “إن يوم الفصل كان ميقاتا“؟
يعني معقولة كل الآيات دي .. و فاكرين اننا هانسيبكم كده؟.. بدون حساب؟..
وللتقريب :
لو أن إنسانًا قال لشركة : أعندك القدرة على أن تنجزي هذا المشروع ؟ يقول مندوب هذه الشركة : ألم تنظر إلى البناء الفلاني ، والبناء الفلاني ، والمشروع الفلاني ، والمَعَمل الفلاني ، والجسر الفلاني ، أليست هذه كلُّها أدلةٌ على أن هذه الشركة بإمكانها أن تنجز هذا الموضوع ؟