برنامج قرأت لكم
يقدمة / الزاهده
الحلقة الخامسة
بعنوان
ان بعد العســر يســر
تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 650 * 236.
سمعت إنك متدايقوفي عندك شوية مشاكل في البيت
والدنيا معاك مضلمه على الآخر
على العموم أنا مش عايز أعرف في إيه
بس النهارده حلقتنا عاملها مخصوص ليك
ما أظنش أساسا في حاجه هتخرجني من اللي أنا فيه
ماشي قول يعني كلامك اللي هيعطلني!!
إنت طبعا تعرف إن بعد الجوع إيه؟؟
والضلمه لازم وهتروح ومكانها ينور
مش فاهم من الأمثله دي كلها حاجه؟؟
قصدي إن بعد كل حاجه وحشه لازم تيجي حاجه حلوه
ولو كانت النهايه مش سعيده تبقى مش دي النهايه
لو شوفت الصحراء بتمتد على مدى نظرك فاعلم إن ورا الصحراء حدائق وزرع..
لو شوفت الحبل بيتشد تبقى متأكد إنه لازم هيجي وقت وهيتقطع..
مع الدمعه بسمه, ومع الخوف أمن, ومع الفزع سكينه..
ربنا عز وجل قال{فَعَسَى الله أنْ يَأْتِيَ بِالْفَتْحِ أوْ أَمْرٍ مِنْ عِنْدِ}
سيدنا إبراهيم كان في وسط النار وهيا في قمة الحراره لكن الرحمه الربانيه خليتها{بَرْدًا وَسلَامًا عَلَى إِبْرَاهِيم}
البحر ماغرَّقش فيه كليم الله عز وجل سيدنا موسى عليه السلام لأن صوته الصادق قال{كَلَّا إِنَّ مَعِيَ رَبِّي سَيَهْدِينْ}
العبيد ساعاتهم مرهونه, والفقراء ظروفهم قاتمه, لأنهم مش بينظروا إلا للجدار اللي بتحيط بيهم
لكن لو بصوا ببعد شويه هيشوفوا إن وراء الجدار ده دنيا أجمل..
{لَعَلَّ الله يُحْدِثُ بَعْدَ ذَلِكَ أَمْرًا}
و{إِنَّ مَعَ الْعُسْرِ يُسْرًا , إِنَّ مَعَ الْعُسْرِ يُسْرًا}
يعني بعد كل عسر هتلاقي عسرين
وبعدين هاقولك بقى كده نختم بيها كلامنا
دلوقتي لما بتكون عايز تشتري حاجه مش موجود منها غير 4 في العالم
طبعا هتكون غاليه وغاليه أوي كمان
تخيل بقى إن الجنه مافيش منها غير واحده لا وكمان مش في الدنيا
مافيش منها غير واحده وفوق فوق عند ربنا
يعني لازم تكون غاليه أوي كمان
لو حاجه ربنا أخدها منك هتلاقي زيها فوق في جنته
لو حد قريب منك هتلاقيه فوق بيتجهز عشان يقابلك في الجنه
بس انت إصبر عشان تاخد كل حاجه في الجنه
ممممممممم ياه كلامك حلو أوي
يعني دلوقتي كل الحاجات اللي فقدتها هلاقيها!!!؟
لا طبعا مش هتلاقيها ده انت هتلاقيها وأحسن مما كانت عليه
ربنا عز وجل بيقول {وَبشِّر الصَّابِرِين}
يعني ربنا اللي ببشرك مش انا
شد حيلك بقى وفوق لنفسك وسيبك من القيود اللي انت فيها دي
ده انت لسه شاب في أول عمرك
يعني محتاج همتك تكون عاليه
طبعا هتبقى عاليه ولازم تبقى عاليه
ومتنساش هتكون قصه جميله أوي
في حفظه ورعايته
قرأت لكم : من كتاب لاتحــزن