اقتباس:
|
انا بنت فى فرقه اولى انتساب مجموعه ز و مش عارفه اذاكر و لا فاهمه اعمل ايه و معرفش حد خالص فى المدرج و عاوزه اشترى ملازم من فضلكوا لو حد يعرف اجيب منين الملازم الخاصة ب فرقه اولى ز و يسعدنى بجد عشان مش عارفه
|
عايزة الروشتة ومن الاخر ..
اطلعى على مكتبة الحرم .. هاتجيبي ورق الدرس بتاع مادة الرياضة والمحاسبة
الرياضة لواحد اسمه محمد حسنى .. والمحاسبة لواحد اسمه محمود عبد الكريم
اما باقي المواد النظري (ادارة - سلوك - موارد) هاتجيبي فيهم ورق السين وجيم
روحي البيت وذاكري الملازم وافهميها كويس اوي
بعد كدا اشتري التطبيقات بتاعة الرياضة والمحاسبة (مهمة جدا جدا جدا)
وابدأى طبقى اللي انتي فهمتيه على المسائل الكتيرة اللي موجودة في كتاب التطبيقات دا
وكدا اضمنلك انك تبقي تمام وميه ميه
ومن الاخر فكك من اي حد يقولك كلام غير كدا .. عشان دا عن تجربة
السؤال المحوري اللي هايدور في بالك دلوقتى .. لازمة الكتب ايه في الحياة ؟!
الكتب بيتذاكر منها اجزاء معينة .. الاجزاء دي بتبقي الاسئلة المهمة اللي بتتكرر في الامتحانات
طبعا انتي لسه ماتعرفيش الاسئلة المهمة ..
هاتبقي تعرفيها قدام لما ملزمة الامتحانات السابقة تنزل
كل اللي هاتعمليه انك هاتعلمى على الاسئلة المكررة اللي بتتكرر في الامتحانات
والاسئلة دي اجاباتها تتذاكر من الكتب واوعي تذاكريها من الملازم حتى لو كانت الاجابة طويلة