[نجم المنصورة]

هو فعلا المقاطعة هتفيد
احنا للدرجتي نؤثر عليهم ،وبالتأكيد سيلحق عليهم من ذلك ضرر
هل نحن فعلاً نوازي الولايات المتحدة كي نؤثر على أي دولة مهما كانت ؟!!!!
المصيبة الكبرى إعلامنا الكبير تارك العالم كله وموجه حملته إلينا ، نفس اللي اشتغلوا في ملف كأس العالم 2010 في الطلعة والنازلة يقولوا احنا هنظم كاس العالم لحد ما قربنا نصدق خلاص اننا نبدأ نحجز تذاكر في استاد القاهرة لان كاس العالم على ارضنا وما ينفعش ما نروحش الاستاد ، والنتيجة ايه ، بالطبع محدش يقدر ينسى ( الصفر ) لان البواهات قعدوا يقولولنا هنظم هنظم و نسوا ان فيه دول اهم منا لان بايديهم الصفر قصدي النتيجة ،نفس الحكاية بتتكرر احنا حطنا همنا في الداخل وسبنا وسائل الاعلام العالمية تهاجمنا ،احنا فعلا مبنتعلمش ونستاهل .
الشعب المصري عارف ومش محتاج حد يقوله ،شوفوا بقى دوركم في الخارج ، المصيبة لو مكانش لكم اصوات مسموعة في العالم ، يبقى احنا كده بنصر على الصفر
محدش يزعل مني لاني زهقت من كتر الزن على الدماغ وفي الاخر اعرف ان وسائل الاعلام الخارجية تهاجمنا نحن
يبقى اتظلمنا كده مرتين من الاعلام الخارجي ،ومن اعلامنا اللي مش عارف يشتغل صح ...
بالذمة يبقى ده كلام !!!!