[Golden Eagle]

بسم الله الرحمن الرحيم
أولا ً لازم نحمد ربنا بعد الماتش بتاع إمبارح دا
الحمد لله
بعد كدا تحليلي ( المنيل ) للي حصل إمبارح

بسم الله ما شاء الله اللاعيبة نزلت جابت هدف من أول هجمة منظمه
أنا حسيت إن الشورتات الخضرا بقي فيها لون غامق شوية دليل علي حاجة معينه ( اللي ما فهمش مش مهم المهم إنهم إترعبوا )
المنتخب ضغط شوية
و بعد كدا هم ضغطوا شوية
و شفنا اللاعيبة اللي بتلعب ف أعرق الدوريات الاوروبية
و شفنا كام أوت يطلع كدا واحد قال بيباصي ما لقيش زميله
الظاهر ما إتعلموش ف الدوريات دي إنه بيبص الأول بعدين يباصي
ما علينا
عملولهم هجمة حلوة صدها الحضري المتألق
بعد كدا لعب ف نص الملعب
و عملولهم هجمة تاني اللي إتزحلق فيها هاني سعيد المتألق برضو و الحضري طلعها الحمد لله
و كان شوط أول ممل
الشوط التاني كان بدأ بنزول بركات
ما عملش المطلوب منه
ف نزل عيد اللي عمل شكل و الله للفريق
و بعد كدا نزل المتعب المنقذ
و طلع بدالهم حمص زيدان و عمرو زكي النجم
شوط تاني معظمه زي الأول
لغاية ما إتبقاله بتاع ربع ساعة
ضغط مصري متواصل
بس مافيش فايدة
طبعا ً مش محتاج أنوه لللاعيبة الخبؤات اللي كل شوية تقع
و تتعالج ف الملعب
و بعد ما يتعالج يطلع م الملعب ع رجليه !!!!!!!!!!
طب ما تغور تتنيل برا و تخلص
و برضو القاواوي اللي قعد يضيع وقت
و الكورة اللي كان متعب بيطلعها برا راح البتاع بتاعهم اللي كان واقف عند الملعب دا خبطها برجله
المهم ف الآخر خالص بعد اليأس عيد عمل الحركتين بتوعه و عدي و عرض
طلعها بالهيد المصاب ( قال مصاب قال ) عم الحج اللي كان حاطط حاجة كدا شبه الطرحة السبانيش
راحت لأبو السيد
و حطها المتعب
و ف آخر الماتش خالص بركات ضيع كورة ( كنت عملت زي أحمد فتحي و الله ما كان حد يصدها )
بس الحمد لله
حج أحمد حسن ضيع برضو كورة ما تضيعش ( و إن كانت أوفسايد بس الحكم ما أخدش باله )
المحمدي ............ مش عارف
أعتقد الجبهة دي ف المنتخب ضعيفة
أبو تريكة و بركات لما نزل إتمسكوا و زالت خطورتهم
الدفاع كان ممتاز
زيدان أعتقد عمل كورة حلوة
البلدوزر إفتتح
متعب خلص
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
الجزاير بدأت الماتش 4-4-2
بعد الجول بقت 9-1-0
كلهم ف نص ملعبهم
غير الحركات القرعة يقع و يمسك الكورة
يعمل فاول و يعطل
يعني الشوية بتوع حلق حوش دول
بس الحمد لله إتلبوا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
الحكم
مش عارف حاسس إنه كان كل ما فرفور يقع يحسبله فاول
أوت لينا بقي ليهم
أول ما الهدف التاني دخل قاللك بس كدا ماتش فاصل لو الجزائر خسرت الجمهور هايلبني
و راح مزمر
يلا
المهم كسبنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
طبعا ً اللي فات دا كان رأيي
و سواء كان صح أو غلط الحمد لله ع الفوز
الجزء اللي جاي بقي الجماهير
انا مرة شفت موضوع ف منتدي كوورة مصرية
واحد كاتب عن التهدئة و بتاع
بس ف صورة قصة مغزاها واحد مصري و خطيبته جزائرية حصل خلاف ساعت الماتش و بتاع
و هم الاتنين راحوا الاستاد
و بعد الماتش حصل تشابك بين الجماهير و البت إتصابت و هو شافها ....... إلخ
راح واحد جزائري رد ع اللي كاتب القصة و قاله " إحنا ما عندناش بنات تروح الاستاد "
اللي أنا شفته إمبارح إن البنات بتروح الاستاد و بتقبح
و بتشاور بإديها و صوابعها
قمة التناقض
البنات عندهم بتعمل كدا
و الرجالة لا مؤاخذة واحد لابس هدوم حريمي و بيشجع ( ماحدش يسأل هدوم إيه بلاش إحراج )



المهم الحمد لله ع الفوز
و أظن كدا الأبطال ظهروا
و الـ parasites ظهروا برضو ( ما حدش يقولي جبت الكلمة اللي فاتت دي منين ......... ههههههههههه )

و في نهاية الموضوع أحب أعتذر للكابتن الحج البرنس الأستاذ عماد متعب باشا
و برضو للمعلم لأني لما شككت ف قدرة عماد شككت ف اللاعب و المدرب اللي جابه
الماتش الفاصل بقي إن شاء الله ف السودان و دول حبايبنا ( بجد و الله )
و نازلكم فيه وائل و حسني بإذن الله يلحق



طبعا ً الجماهير المصرية هتواصل زحفها ورا الخضر و هاتضرب الاتوبيس هناك
بس هاتضرب و القزاز بقي هاينزل جوا المرادي
علشان لما نزلوا القزاز برا إتفضحوا


شايفين القزاز اللي جنب الكاوتش بتاع الاتوبيس ؟؟؟
و طبعا ً الصاج بتاع الاتوبيس ما إتخدشش
الجماهير بتوعنا ما رموش ولا طوبة غلط
كلوا ف القزاز
و طوب غريب
بينزل القزاز لبرا
يلا
ربنا يشفي
صدعتكم
السلام عليكم