نفسى يا ناس افهم اللى بيحصل
انا متابعة المشكلة من اولها ويمكن من اول الناس اللى شافت الاعلان
بس نفسى اعرف ليه كل دا؟؟ .. ايه الهدف؟؟
هو مش المفروض انه حضراتكم واحنا وكل الاعضاء اللى هنا بنعمل لمصلحة المنتدى
ومصلحة الطلبة فى المقام الاول
حد يقول فين مصلحة الطالب فى انه يعرف مشاكل الادارة او انه المدرير بيعمل او لأ
ولنفرض ومع احترامى لاستاذ محمود انه مش بيشتغل
هل اما نعمل عليه الضجة دى هيتغير؟
ولو اتغير نظرتنا للادارة هتتغير للاحسن؟
من وجهة نظرى معتقدش ابدا بالعكس انا من الناس اللى موجودة هنا من زمان ومعرفش حاجه عن الادارة
معنى ذلك انه فى ناس زيي برضو ميعرفوش
ليه اما نيجى نعرفهم يكون بالشكل دا؟؟
وخلى الادارة فضلت زي ماهى ليه احنا منغيرش من نفسنا الاول ونحاول نتألقم مع واقع ومنتدى
والله ساعتها الادارة هتتغير من نفسها
هضرب لحضراتكم مثال بسيط لكدا
مثلا لو فينا ناس معترضين ع الرئيس المبارك واكيد فى
هنروح نقوله ادارتك فاشلة ولو سمحت جاوبنا ع الاسئلة دى والشعب يحكم
وبالرغم انه دا واقع ناس عايشينه انهم مش عاجبهم الحاكم ولا الحكومة لكن عايشيين
المهم انى غرضى من الكلام انه بعد اذن حضراتكم الموضوع دا يتفض
واعتبروا انه دا طلب من الاعضاء ومظنش فى اعضاء عاوزين المشكلة تستمر
وفى الاخر برضو انا كلامى مبنى على الموضوع عموما انا مش مشرفة ولا كنت مشرفة قبل كدا
بس كلامى من اللى قدرت افهمه واللى اعتقد انه اى حد عادى ممكن يفهمه
وطبعا احترامى وتقديرى لكل استاذ هنا كلكم فوق راسنا من فوق ومش هنقدر ابدا ننسى افضالكم علينا
واكيد اللى بعدنا محتاجينكم زينا ويمكن اكتر مننا ايه ذنبهم يشوفوا كل دا
اتمنى انه الميه ترجع لمجاريها وان ماكنتش جارية نجريها احنا
وزى ما بيقولو ما محبة الا بعد عداوة
دمتم بخير,,
فى أمان الله
...