[صدى الاحاسيس]

موت اليوم زميلى " احمد ماهر"

قلبى انقبض منى لما سمعت خبر لسه حالا
ان زميل لى فى العمل توفى , وقع له حادث وهو رايح الشغل
ربنا يرحمه يااااااااااااااااااااااااااااااااااااااااااااااااا ااارب . ويصبر اهله
ويجعل القبر له روضه من رياض الجنه

تعرفوا أنى ديما فى ذهنى سواء انا ذاهب الشغل او راجع للبيت
أقول ياترى هل هرجع للبيت تانى واشوف الاهل والاحباب
وده من كثر الحوادث الى بشوفها على الطريق . لانى
بسافر من محافظه لمحافظه وكل كام كيلوا الاقى حادثه وعربيات راكنه
على جنب . وناس ميته ومصابين . انظر اليهم واقول ياترى اخرتى مثلهم ولا ايه . حتى انا قبل ما اخرج من شارعنا وانعطف لشارع اخر , انظر بطرف عينى للبيت واقول ياترى هرجع تانى ولا لأ ...

وانا ديما ربنا بيقدرنى واقول اذكار او اسمع قران عشان اموت على طاعه
واقابل ربنا على عمل حسن . انا مش خايف من الموت ولا حاجه
بس انا عايز اموت على طاعه . كنت ديما قبل ما اغير التليفون بتاعى
حاطط السماعه فى ودانى اسمع قران لغاية لما اوصل البيت
واقول بقه انا مش هممنى اى حاجه عشان انا لو حصل ليا حادث
ومت باذن الله هقابل ربنا على طاعة يااااااااااااه جميله قوى الفكره
بس لما غيرت التليفون السماعه بتاعته مش كويسه .

أنا دلوقتى افتكرت موقف حصل مع زميل ليا كنا رايحين فرح
وقلت ليه يلا نركب قدام قالى لأ . قلت له ليه قالى ياعم
كده لو حصل حدثه هنموت على طول .ههههههههههه . فكره غريب وعجيب
قلت له انته خايف من الموت المهم هرب من الجواب
وانا مسكته بقه . هو مش بيصلى الا نادرا جدا وربنا يهديه ويهدينا
قلت له مدام انته خايف من الموت . فعمل ليه .
حتى يا اخى لو حصل حدثه ولا حاجه هنموت على طول مش هنتعذب
يعنى تسوى ايه لو عشنا وحصل لينا عاهه مستديمه لا قدر الله
مش الموت هيبقى احسن من زلة الحياه ساعتها
المهم هو كان خايف طول السكه . وانا كنت مستعد بقراة الاذكار والتسابيح
الخلاصه
*مدام احنا خايفين من الموت طب ليه مش نستعد له .
*لوراكبين مواصله ياريت نقراء قران او نشرع فى قراءة التسابيح والاذكار
عباره عن استثمار للوقت علي وعسى ان نموت ونحن بنذكر الله .
أعترف : ان الحياه بتاخذنا كلنا واحده واحده , واحنا اطفال مكنشى اى حاجه فى بالنا سوى اللعب والضحك . وفى شبابنا يكون فكرنا نحوا الترف والعيش برغد ولما خلاص نعى ونفهم نطلب الاستقرار بالزواج وتكوين اسره والحياه تتخبط معانا . نكبر شويه وجاءوا الاولاد فكرنا يتغير جزريا . مستقبل الاولاد وطلاباتهم . نكبر شويه . الصحه بدأت فى الزوال فيه منا يقول بقه خلاص انا اخذت نصيبى من الدينا نعمل للاخره بس بعد ايه ممكن فات الاوان والدينا بتاخذنا كل مرحله من مراحل حياتنا المقدره من القدير العزيز العليم الا من رحم ربى

فهناك من يعى الدنيا جيدا . اه يسعى ويعمر ويجد فى العمل لكى يكسب قوته
ولكن لم يسمح للدنيا باخذه فى طياتها ودهاليزها التى لا تنتهى الى بموتنا .
الخلاصه
نفهم جيدا لما خلقنا وان سيجيئ يوما وسنموت وليس
ببعيد عنا . نعم لنسعى فى الارض ولكن لا ننسى ان هناك
حق علينا يجب ان نؤديه وهو شكر الله على انعمه
والشكر يكون بالعباده والالتزام بما امر به الله تعالى نبيه صلوات الله عليه وسلم
ولو فى يوم قصرنا . يجب ان نجرى ونتوب ونستغفر الله قبل فوات الاوان

ارجوا التفاعل والمشاركه لكى تعم الفائده
تحياتى للجميع