03-11-2009, 03:04 PM
|
|
عضو جديد
|
|
تاريخ التسجيل: Nov 2009
المشاركات: 5
معدل تقييم المستوى: 0
|
|
بسم الله الرحمن الرحيم
اولا التوبك اكتر من روووعة انو في رابطة لطلاب تجارة انجلش وفكرة لزيزة جدا جدا
وانا كنت بدور على امتحانات الميد ترم بتاعت الفرقة الاولى تجارة انجلش لقيت المنتدى ده وخصيصا التوبك ده شدني اني اسجل فية
اعرفكم بقى بنفسي انا محمد عفيفي طالب في الفرقة الاولى لسة تجاره انجلش شبين الكوم جامعة المنوفية
انا بقى واخد الثانوية من الكويت وجيت هنا عشان اكمل تعليمي في بلدي ام الدنيا مصر بس طلع عيني عقبال مقدمت وطلع عيني برضو عقبال مظهرت النتيجة وطلعت برضو عيني عقبال متقبلت هههههههههههههههه
انا مجموعي كان كويس جدا جدا بس بعد المعادلة فرقت معايا على درجتين هندسة بس الحمدلله كليه التجارة مش وحشة وخصيصا قسم انجلش روعة ولية مستقبل كويس جدا
نيجي بقى نشوف المصاريف حوالي 4600 غير الكتب 766 وعشرين قرش هههههههه 
وطبعا عشان انا جاي من دولة خارج مصر لازم يخدو رسوم تطوير طلاب حوالي 1500 جنية بس لا غير ههههههههه على اية معرفش
يعني على اساس انهم هيدخلو القاعة بتاعت المحاضرات ويسألو مين جاي من الخارج عشان نطوركو ما علينا انا شفت العجايب في مصر .... نكمل
مجمع الكليات بتاع شبين بقى رائع بيضم كلية العلوم والحاسبات والمعلومات والاداب والحقوق واخيرا التجارة الي تعتبر اكبر كليه في المجمع بعد الحقوق على طول
ودي صورة كلية التجاره شبين الكوم
شعبة الانجلش بتعتي فيها مجموعتين بس المجموعة بتتكون من حوالي 200 طالب تقريبا يعني الدفعة كلها حوالي 400 بس مفهاش تكدس وده حلو جدا لانو العربي حوالي 4000 طالب وليعاذ بالله هههههههههههههه
وانا سمعت انو تجارة شبين دلوقتي على مستوى الجمهورية هي وعين شمس يعني في تقدم فيها كويس وخصيصا انو معروف عن دكترة شبين وعين شمس انهم معقدين اخر حاجة ودمهم مشاء الله شربات يعني ههههههههههه:abdoog8:
وباخد 7 مواد مدخل قانون ودي المادة الوحيده بالعربي ... وأصول المحاسبة المالية ... ومبادئ اقتصاد جزئي ...
و أصول إدارة الاعمال ..... واقتصاد الموارد والتطور الاقتصادي ..... ورياضة تطبيقية وبحتة مع اني المفروض مخدش بحتة لاني كنت علمي علوم ورياضة الاتنين مع بعض شعبة عامة يعني بس قالو برضو اي حد جاي من برة ياخد بحتة هههههههه انا كرهت بره دي 
ولسة جدول السكاشن نازل عندنا الاسبوع ده وماشي الحال وهنبتدي في امتحنات الكويزات المفاجئة الايام دي بس مش عارف بقى الميد ترم امتى الصراحة انا سمعت انو في امتحنات كوزات عندنا بعديها الميد ترم بعديها كمان كويزات وبعديها امتحان نص الترم ده بالنسبة عندنا مش عارف بقى بالنسبة لجامعات التنية
انا طولت جداا معاكم بس حبيت اعرفكم كل حاجة بالتفصيل ويارب مكنش ضيف تقيل عليكم واتشرف اني انضم للناس العسل الي هنا
مع خالص تمنياتي لكم بالتوفيق والنجاح الدائم
اخوكم في الله .... محمد عفيفي
|