[أسيل رزق]

بصى انتى مشكلتك الأساسية فى عدم حبك للمادة أو على الأقل ماعندكيش تقبل للمادة و ده أقوى سبب يخليكى مش عايزة تفهمى ولا تحفظى ولا تذاكرى أى شىء فى المادة

حاولى تعصرى على نفسك لمونة و انتى بتذاكرى العربى لإن ده مستقبلك يعنى ماينفعش تقولى بحب و مش بحب .. دى مادة أساسية و لازم تذاكريها و حاولى تحبيها على قد ما تقدرى .. ماتحطيش حاجز بينك و بين المادة و تقولى لا مش هقدر أحبها ولا هقدر اذاكرها

أنا على فكرة مش بحب العربى و خصوصاً النحو و الأدب و شوية بلاغة .. و رغم كل ده ذاكرت و بقيت بذاكرها أكتر مادة علشان اتعود عليها و أكسر جوايا حاجز الخوف أو الكره بالنسبة للمادة و الحمد لله درجاتى فى العربى كانت 27 و 28 حاجة مش وحشة يعنى

و البلاغة حاولى تحفظى الأساسيات و حلى أسئلة كتير هتلاقى نفسك بقيتى كويسة فيه
و لو انتى متأكدة إن المدرس بتاع الدرس كويس يبقى تسمعى كلامه و ماتركزيش فى شرح مدرس المدرسة

و ربنا يوفقك