اقتباس:
ايه المواعيد دى؟ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!
ده تهريج والله يعنى ان شاء الله عقبال ما اروح بتنا تكون الساعة بقت 7 ونص او احتمال كبير 8 ده مين ده اللى هيستنى لغاية 7 بالليل هما مش عارفين الكلية فين بالظبط ولا نسوا موقعها الاستراتيجى العريق جنب محطة مصر
مش هقول غير حاجة واحدة حسبى الله ونعم الوكيل وبنسبة 99 فى المية مش هحضر عشان اغلب المحاضرات بتكون الصبح يعنى مش هنزل 8 الصبح وارجع 8 بالليل هى ايه رحلة ؟!!!!
|
انا فعلا مش عرفة ازاى حمشى فى محطة مصر الساعة 7 دى؟! لا حول و لا قوة الا بالله
اقتباس:
|
السلام عليكم ورحمة الله وبركاته ياري تكونوا جميعا بخير انا هقولكم كل اللي عرفته بعد عناء طويل انا حسيت انهم حابين يدوخنا وخلاص المهم بالنسبة لمجموعات السكشن هتكون يوم الاربعاء بطريق الحرية عند مكتب الاستاذ سيد منصور و بالنسبة للمصاريف هتكون 190 والدمغات محدش عارف هتبقا كام بس ع العموم احنا بنجيبها من الخزنة اللي في قسم جيولوجيا الدور الارضي وعلشان ندفع المصاريف اولا نجيب الحافظة من شئون الطلبة وبعدين نجيب الدمغات من الخزنة زي ما قولتلكم وبعدين فية شباك كده مكتوب علية من فوق مصاريف 2 و3 و4 هنروح ندفع هناك ومطلوب صورتين واخيرا موضوع الكتب كتاب كيمياء عضوية في طريق الحرية الدور الاول ب40 جنية حجر بس وكتاب الالكترونيات بمعمل الفيزياء سنة تانية ب 50جنية حجز بس بردوا وكتاب الديناميكا هيكون في الشاطبي بمعمل الكيمياء الفيزيائية زي ما الدكتورة قالت بس مش عارفة بكام
|
ياااااادى الدووووووووووخة ده انا تهت فى وسط الكلام انا ححاول اطبع كلامك و اخده معايا كأنه خريطة استرشادية لأنى فعلا تهت
اقتباس:
بجد بجد مش عارفة اقولك ايه يا broken heart
وفرتى عليا عناااااااااااااااء كبير اوى ربنا يجازيكى خير ان شاء الله
بس فعلا انا لما قريت اللى انتى كتباه حسسونى اكن الشاطبى وطريق الحرية ومحرم بك الثلاثة فى شارع واحد بجد حرام عليهم كده كتييييييييييير
وليه كتاب الديناميكاىفالشاطبى مش المفروض كل حاجة فى محرم بك او طريق الحرية
مش هقول برده غير حسبى الله ونعم الوكيل
|
آه و الله ربنا يكرمك يا بروكن هارت
و فعلا بيتعاملوا ببرود كأن الكليات كلها فمبنى واحد مش فى شارع واحد :abdoog8::abdoog8::abdoog8::abdoog8:
اقتباس:
|
شكرا جدا يا نهي ان الصراحة مكنتش اعرف موضوع الجدول ده مش فعلا مواعيده وحشة جدا بس هما عملينه كده علشان يناسب جميع الطلبة في جميع الاقسام يارب بس مياخدوش غياب لاني اكيد مش هحضر
|
انا برده حسه ان المواعيد كدة علشان تناسب الكل ماشى كتر خيرهم
بس كانوا يخلوها فى الشاطبى
يعنى الشاطبى دى مفيش مشاكل لو نخلص 10 حتى
انما محطة مصر دى بصراحة بعد 5 او 6 صعب اوى
ربنا يحفظ الجميع يارب
اقتباس:
الشاهد ايه! ان الكليه تتميز باهمال غير طبيعى المفروض ان الاسماء والمجموعات تكون مقسمه قبل الدراسه باسبوع وتكون فى محرم بك والمعلومات كلها تكون موجوده عند شئون الطلبه لان الكليه كلها عند 2 بس العميد والوكيل ومش متواجدين احيانا ولازم يكون هناك فريق ارشاد مؤقت (ان شاء الله يكون من اتحاد الطلبه)عشان يعرفو الطلاب الجدد الاماكن والمعامل لان بجد المبانى كلها شبه بعض . كمان المايكات بايظه وبيغيروها فى اليوم الاول او الثانى ..................الا تتفقون معى فى ذلك.
وانا اسف انى طولت عليكم ....اصلح الله احوالنا ونفع بنا الامه
|
اللهم آمين
يعنى السكاشن عندكم فى الكيميا حتنزل عالاربع ان شاء الله
يلا عقبال الباقى و الله مش عرفة ارتب نفسى خالص
نفسى اعرف بس مجموعتى فى السكاشن علشان على اساسها ارتب المواعيد و كدة
اقتباس:
ازيكوا يا جماعة..
دلوقتي اللي معاه حقوق انسان او مواد تانية من اولى.. الدكاترة مخلوناش نختار حاجة.
حتى مواد تاريخ العلوم و الاقتصاد .. طب افرض انا مش عايز اخدهم و عايز ابقى اخد مقرر تاني بعد كده.
محدش يعرف الحذف و الاضافة يتعملوا فين؟
و بالنسبة لزميلي في قسم كيمياء بقى .. محدش يعرف مادة رياضيات للكيمياء ليها متطلب سابق ولا لأ؟
|
الحمد لله بخير
انا كنت عايزة اخد انسان و بيئة لسا اول مرة حدخلها و قالولى انها احتمال ما تنزلش اصلا فى الجدول
الحذف و الاضافة انا سألت كتييير و آخر حاجة اتقالتلى انه فى وحدة الحاسب الآلى فى محرم بك و الله أعلم
اما مادة الرياضة انا اى نعم مش قسم كيميا بس كانت هنوووووود قايلالى انه المتطلب السابق بتاعها (ر102) رغم اننا فى بيولوجى اخدنا رياضة ترم اول بس و كان اسمها (ر111) حتى مش ر101
فاللى فهمته انه الموضوع حيكون فيه كلام
يعنى
انا بقول الللى سمعته و الله اعلم