المشرفين بصراحة غصب عنهم
بينفذو القانون وبيشغلو الاقسام التانية
يبقى المشكلة هنا مش في المشرفين
المشكلة في القوانين
و مين اللى حط القوانين .. مش المشرفين .. يبقى الكلام على المشرفين .. اللى بعدو 
انا عايزكو تغيرو تركيبة القسم العام تماماً
سيبكو من موضوع تنشيط المواضيع القديمة ومش عارف ايه والكلام ده كله
اول حاجة تلغو مبدأ
امال الاقسام التانية تنشط ازاي
حاولو انتو تنشطو العام بس في الاول
هههههه نستورد أعضاء حلوين و ليهم نفس للكتابة علشان ينشطوا المواضيع
مهى الأعضاء كتابتها الأيام دى ملهاش تعليق يتقال أكيد بتشوف بنفسك
و إحنا اللى بنقدر عليه بنعمله .. مناقشة بنناقش .. مسابقة لتثبيت المواضيع اللى الأعضاء شايفنها كويسة و عملنا .. قوانين جديدة و حطينا .. نعمل إيه يعنى ؟؟
العيب فى الأعضاء .. مش فى قلة تنشيطنا للمواضيع
و بعدين إحنا مش هنخزن فى العام و نقول الأقسام التانية تتصرف مع نفسها .. ماينفعش .. كل واحد بيكون فاكر إن موضوع لما يكون فى العام هيكون أفضل .. طب ما نروح بمواضيعنا الكويسة على القسام التانية و ننشطها
على فكرة المشرف لما بيلاقى موضوع كويس فى قسمه حتى لو مش ليه علاقة بقسمه بيتمنى يفضل الموضوع فيه لكن إحنا بننقل لإن الموضوع الكويس هو اللى هيغير مستوى القسم
تاني حاجة
قسم زي القسم العام بحجمه وشحمه ولحمه
مينفعش يبقى لبواقي الموضوع
لأنه قسم المواضيع التي ليس لها قسم
بواقى المواضيع إزاى !!
القسم العام حالياً لمواضيع خاصة مش لبواقى المواضيع !!
و لو قلنا الجملة الحمضانة بتاعة زمان قسم المواضيع التى ليس لها قسم
يبقى نجيب المواضيع بتاعة الحب و جرس الفسحة و .. و.. و.. نحطهم فيه
و الجملة دى ماينفعش تتقال فى وجود كل الأقسام دى لإن ببساطة يستحيل حذف كل الأقسام دى
هقولك ليه دلوقتى
المواضيع اللى بتمشي منه بيبقى هدفها محدد ومكانها معروف
بينما اللى مكانه مش معروف بيبقى مكانه العام
وبكده لازم نضيف قانون يخصص او يخصخص مواضيع العام بأنها
كل المواضيع النقاشية
يبقى أي موضوع نقاشي سياسي (ملفات مصرية او قضايا عربية) - ديني (الركن الديني) - اجتماعي (لقاءات او اجتماعيات ) - الخ
كل الحاجات ده تفضل في موقعها الجديد القسم العام
مش فاهمة قصدك .. يعنى تلغى الأقسام دى ولا تضم الأقسام دى كأقسام فرعية للعام !!
وبكده يبقى المشرفين مش حيحتاجو يبقو في حيرة بعد كده حول المواضيع اللى المفروض ينقلوها ويخلوها
وفي نفس الوقت نلاقي مواضيع للنقاش
اما الاقسام التانية اللى عايزين تنشطوها شيلوها احسن فهي كده كده مش نشيطة
اما ما يتعلق بالمواضيع المكررة والقديمة
قلتلكو قبل كده مليون مرة
كل فترة جيل المنتدى بيتغير
يعني نفس الموضوع حيبقى فيه نقاشات جديدة ووجهات نظر جديدة
حتى لو حتتكرر هي هي
فالشيء الوحيد الذي سيتكرر هو منظر الموضوع قدام المشرف القديم
في حين ان المتناقشين جدد وبالنسبالهم ده جديد
خلاص إحنا نكتشف الخلطة السحرية بتاعة التحنيط عند الفراعنة و نحنط بيها المواضيع القديمة و نحطها فى المتحف !!
ماينفعش طبعاً نخفى تاريخ المنتدى اللى فات ولا إننا نعامل مواضيع العام زى مواضيع خبر و تعليق
يعنى إيه كل جيل و ليه فكره
مهو ممكن ننشط المواضيع القديمة و المناقشة تستمر عادى
عايزين تشيلو القديم تخلو القديم تحذفو القديم
المهم ميبقاش المواضيع اللى في 2005 و 2006 تغطي على المواضيع اللى عايزين نحطها في 2009 و 2010
اكيد جيل المنتدى بيكون اتغير ومش حيتفرج عالمواضيع القديمة ده
أل يعنى كنا شفنا منه مواضيع كويسة 
تنشيط المواضيع القديمة ممكن يكون كويس في حالة واحدة لو النقاش اللى فيها كان قليل مش واخد صفحتين وتلاتة واربعة
على فكرة معظم المواضيع اللى المناقشة فيها بتوصل لصفحتين و تلاتة بيكون محتوى الموضوع الأساسى طاير فا بيتحذف أصلاً
بس عايزة اعرف منك حاجة .. هل انت لغاية دلوقتى شفت موضوع قديم تم تنشيطه من المشرفين و كان ضعيف أو الجيل الجديد اللى بتقول عليه ماتفاعلش معاه أو مكنش حابه ؟؟
او ممكن نتفادى المشكلة ده ونكتب الموضوع مرة تانية مع حفظ حقوق ملكية كاتبه او إنه نفس العضو اللى يكرر موضوعه
وبكده ممكن نشيل القديم
وفي نفس الوقت حيعتبر موضوع جديد
وحنلاقي مناقشات جديدة
أفكار الأعضاء دلوقتى بتدور حول 3 مواضيع بس
علاقة الشباب بالبنات
لبس البنات
معاكسات الشباب و خلافه
الى خلانا نمنع وضع موضوع فكرته مكررة فى فترة معينة إن فى الفترة دى إنتشرت جداً المواضيع اللى من النوعية دى و كانت بتسبب مشاكل كتير و العجيب إن كان فى ناس أسماءها كبيرة فى المنتدى بتنزلها
بعد كده مابقناش نحذف المواضيع اللى فكرتها مكررة لإن الناس إتعودت فا بقوا ينزلوا مواضيع تانية و بدأت تظهر افكار كويسة
و اللى كان بيتحذف بتكون طريقة عرضه ضعيفة للموضوع
|