[أسيل رزق]

**اما الاخوة الذين سبقونى فى الرد وقالوا ان للمشرف انه يعمل الى هو شايفة صح اقول لهم انتم على خطأ كبير لانه من الاساس ومن الواضح عدم التفاهم بين المشرفين حيث ان المشرف الفلانى يرى ان المكان الطبيعى للموضوع هو الركن( س) بينما يرى المشرف العلانى ان مكانه المناسب هو الركن( ص) وهكذا
لذلك تجدون بعض الموضوعات حائرة بين اركان المنتدى كله وهذا دليل على صحة كلامى ولو كان لاحدكم تفسر منطقى لزيارة الموضوعات جنبات المنتدى فــ ياريت يفهمنى ينوبة ثواب !!!!!!

دا مش عدم تفاهم يا أستاذى .. دى وجهات نظر .. يعنى موضوع أستاذ عبد العظيم اللى نقلته شيرين لقسم التنمية البشرية أكيد هى نقلته لإنها معملتش بحث على الموضوع إذا كان موجود قبل كده ولا لأ .. و ده مش شرط على كل مشرف إنه يبحث عن كل موضوع عنده
لكن انا علشان شفت الموضوع ده قبل كده لدعاء فا بحثت عنه و وضحت إن موضوع أستاذ عبد العظيم مكرر

و بعيداً عن كل ده يستحيل مجموعة مشرفين يتفقوا مع بعض فى كل آراءهم .. كل واحد ليه وجهة نظره .. و إحنا أصلاً أغلب المواضيع اللى ممكن يكون ليها أكتر من قسم مناسب بناخد رأى بعض فيها .. بصراحة أنا ماشفتش مجموعة مشرفين على العام متعاونين زينا و لله الحمد

وهل ياترى تم ضبط 40 موضوع راكنين فى الممنوع للعضو زيزو مرة واحده كده؟؟

ممنوع إيه يا أستاذى .. هو علشان الموضوع طلع من العام يبقى مات ؟؟ مهى المواضيع بتتنقل اقسام تانية
!!!

لكن ياريت نسيب الموضوعات التى مر عليها سنوات ونبدأ من الجديد يعنى مش معقول اروح على 180 صفحة وانقل منها موضوعات واترك الصفحات الاولى !!!!

أنا ضد كده طبعاً .. القديم طول ما هو موجود ورا بدون مشاهدته يبقى ملهوش معنى و فى مواضيع اصلاً محتواها اتمسح فى تعديل نسخة المنتدى فا بننقلها للأرشيف و لما بدأت الأقسام عددها يكتر بدأ التصنيف يكتر فا العام مابقاش زى زمان بقى ليه مواضيع خاصة زى ما قلت
و بعدين إحنا مش بنترك الصفحات الأولى ولا حاجة يا أستاذ مجدى .. إحنا فى الأجازة كنا بنبدل مع بعض واحدة تشتغل فى القديم شوية و التانية تشوف الصفحة الأولى و يمكن ساعات كنا كل واحدة فينا بتتابع القديم مع الجديد

حضراتكم دلوقتى بتتهمونا إننا مش بنشتغل و شوية تتهمونا إننا بننقل مواضيع غلط

و أنا شايفة إننا بنشتغل كويس و على قد ما نقدر و مش بننقل مواضيع فى أماكن غلط

ارجع للاخوة والاخوات المشرفين منهم والمشرفات واقول احنا مش ضد النظام ابدا

لكن ياريت نسيب الموضوعات التى مر عليها سنوات ونبدأ من الجديد يعنى مش معقول اروح على 180 صفحة وانقل منها موضوعات واترك الصفحات الاولى !!!!

و بالنسبة للنقطة اللى بتقولوا سيبوا المواضيع فى العام شوية و بعدين تتنقل فا ده يثبت إن حضراتكم مقتنعين بإن الأقسام اللى بننقل المواضيع ليها مش غلط ولا حاجة

لما المخالفات بتبقى قليلة و فى موضوع كويس بنسيبه فى العام شوية و بعدين بننقله لكن لو المخالفات كتير و إننا نسيب المواضيع فى العام شوية ده هيجهدنا جداً لإن هيتراكم علينا شغل كتير بعد يوم أو اتنين

يا ريت الموضوع مايكبرش اكتر من كده لإنه أخد حجم أكبر منه بكتير.. كل مشرفين العام ردوا و كل واحد فيهم قال وجهة نظره