اقتباس:
المشاركة الأصلية كتبت بواسطة مـــــافـــــيـــــا
اصلا ممنوع مواضيع الحب ده أولا
ثانيا الحب ده لما يكون ف الحلال مش علاقة حتى لو بتسموها علاقة محترمة
مينفعش لازم يكون الارتباط رسمي
لو مش ينفع يبقى الموضوع يتأجل
|
أنا قلت أنا لسه في أولي كلية ومينفعش جواز دلوقتي بس أنا نيتي أرتباط بس أنا بحبها بجد وتابع معايا الرد للاخر وحشرحلك
اقتباس:
المشاركة الأصلية كتبت بواسطة الامبراطورةالفارسة
بص لو زى انت مبتقول متدينة يبقى هترفض الفكرة من اساسها وهتفضل شى رسمى فلو انت بتحبها بجد روح لاهلها وقولهم وانا من رأى انك تخليك فى مستقبلك هو الاحسن ليك ويوم امى تبقى حاجة هبقى ليك عين تلروح وتتقدم وعوزة انبهك لحاجة مهمة ان المصاحبة دة حراااااااااااااااااام
|
مينفعش أي أرتباط رسمي في الوقت ده لسه أنا وهي صغيرين علي ارتباط رسمي بس أنا ناوي
اقتباس:
المشاركة الأصلية كتبت بواسطة Khaled Soliman
يسلام علي قوانين المنتدي
يظهر كل القوانين ليها ناس و ناس |
حتي لو حبيت توصل فكره معينه مكنتش أتوقع توصلها بالطريقه دي علي العموم مليش غير أني أشكرك وحشكرك أكتر لو مردتش تاني علي أي موضوع أكتبه
اقتباس:
المشاركة الأصلية كتبت بواسطة BaNZeR
انا بصراحة عايز اعاتبك عالجملة ده
إنك قلت عايز تراعي العرف مش عايز تراعي الدين
يعني من الآخر مش عايز كلام الناس والسمعة والحاجات ده
بس مش حقولك الكلام التقليدي حرام ومينفعش وده
بس انا عايز اعرف منك حاجة
فكرت تتجوز اللى بتحبها قبل كده ولا انت عايزها لمجرد تتمشو وتتسلو وخلاص
لو انت شغال في النوع الاول يبقى استمر
لو في التاني اقترح إنك تحوله للاول او انك تبعد عنه خالص
لو عايز تحب لمجرد الاحساس بالفراغ فمعنديش كلمة اقولها بعد كلام عندليبو 
|
أعذرني والله متعاتبنيش أنا مش قصدي وانتا عندك حق في كل كلمة قلتها خليك معايا بقيت الرد
في الأول خليني أقول إني أعرفها من مدة طويلة ما يقرب من سنة وشوية بس مكدبش عليكم في الأول زي أي واحد بيجرب لأول مرة كان حاسس بالنقص وهي بسم الله ماشاء الله جميله اوي والعين كانت عليها فلما الواحد بيلاقي فرصة زي كده وهو لسه في فترة مراهقة فوقعت لكن لما جيت أعقلها مع نفسي ولقيتها حتقلب بحب وكده رحت مخترع مشكلة وفصلت معاها وجه شيطان تاني وفي ايام الامتحانات مش عارف أذاكر ولا عارف أعمل حاجه وهي ساكنه قصادي والله كنت بطلع أذاكر فوق سطح العماره علشان مشغلش بالي عشان أثبت حسن نيتي وبعد كده رجعنا تاني بعدها بفترة ولحد دلوقتي بكلمها وبحبها وبتحبني موت بس أنا حاسس إني لو إتجوزتها بالطريقة دي حعيش حياتي تعيس يعني حكون بدأت حياتي غلط بس أنا لو قطعت مرة واحده حعيش حياتي أتعس من نحيتين إني حكسرها وحبقي في نظر نفسي وحش أوي دا غير إني لسه بحبها بس أنا حقولكو علي موقفي الشخصي وشاركوني ومين غير إحراج أنا دلوقتي داخل كلية فحكون بعيد عن البيت أوي فحطلع خفيف خفيف وفي الاجازة حروح أشتغل في شرم وهخف إتصال خالص يعني هخليها تنساني إنتوا إيه رأيكو
بالنسبة للاستاذ Khaled Soliman لو تتكرم مش عايز حضرتك ترد عليا تاني