طيب بما إنه الموضوع وصل للمرحلة ده فمفيش داعي للموضوع اللى كنت ححطه في حجرة المشرفين
إني أرى - وأعوذ بالله من كلمة إني 
- إننا نغير شكل القسم العام بتاتاً
سيبكو من كوني مشرف دلوقتي وحتكلم عني بصفة عامة
استاذ مجدي او استاذ بورسعيدي ناقش حتة مهمة جداً كان نفسي اتكلم فيها من زمان
تعدد الاقسام بشكل رهيب
يعني مثلاً قسم التنمية البشرية ده انا مدخلتوش غير مرتين بس من وجودي في المنتدى حتى الآن
مرة زمان افتكرت القسم ده حاجة غير اللى في دماغي بس طلع مواضيعه عادية
ومرة عشان الموضوع ده لما اتنقل موضوع استاذ زيزو
علشان نتكلم يبقى لازم نلم بكل شيء لازم نعرف ليه قسم التنمية البشرية ده اتعمل القسم ده مش اتعمل علشان فايدة او مصلحة ده علشان العضوة بسبوسة اقترحته على اشرف وطبعا اتنفذ الاقتراح على الفور وعين بسبوسة مشرفة عليه وسابته ومشيت فمباقش له لازمة
في اقسام كتير شايف إنها ملهاش لازمة او ممكن ندمجها كلها مع بعض
معاك حق كتير جدا
مثلاً القضية العربية وملفات مصرية
ياما يتشالو هما الاتنين يا اما يندمجو
مينفعش يتشالوا الاتنين يفضلوا الاتنين تحت مسمى القضايا العربية و اعتقد ان مصر دولة عربية فملهاش لزمة اننا نحط اقسام على الفاضي
وفي منهم بعض المواضيع النقاشية كنت معترض على وجودها هناك بعد ما كانت في العام
بس برده كنت بلقى الاجابة
امال الاقسام ده فايدتها ايه
الاقسام دي ملهاش فايدة غير انها بتصيب المتصفحيين بالملل الشيء البسيط والشامل احسن من الكتير وملهوش لازمة
دنا مفيش مرة شفت قسم ملفات مصرية ده في اكتر من زائرين اصلاً
قسم التنمية البشرية ممكن يفضل وممكن يتشال بس ممكن متلاقوش مكان كويس لمواضيعه فممكن تخلوه
دي وجهة نظر يجب احترامها
لو اقتصرت ردوده على الشكر والثناء ماشي سيبوه هناك
لو كان في نقاش بأي نوع او وجهات نظر يبقى مكانه العام
ده حتى القسم الرياضي لما باجي انقل موضوع ليه بحتار انقله لأي قسم
يعني مثلاً الاهلي والزمالك دول موجودين ليه
عشان دول يشتمو في دول ودول يشتمو في دول
معملتوش الاسماعيلي ليه بالمرة !!!
ايه لازمة تعملو دوري عربي في قسم ودوري اجنبي في قسم
هو كثرة اقسام وخلاص ؟
تمام كلامك اوي
والمشكلة إنه القسم الرياضي كله حتلاقيه ما بين 300 لـ400 موضوع بس
متفرقين على 5 او 6 اقسام !!!
وغيره وغيره لسه عايز اتكلم عنهم بس عارف إني ححيد عن مسار الموضوع كثيراً
لأنه بيتناقش حول العام بس
لا الموضوع اعتراض على كل الاوضاع الخطا مش العام بس وفي كل الاقسام
وعلشان الاقسام كتيرة فاختلاف وجهات النظر بيكون اكتر وده بيؤثر بالسلب على كل حاجة لو جيت تبص هتلاقي كله مرتبط ببعضه
ومن هنا نستنتج ما يأتي
المشرفين بصراحة غصب عنهم
بينفذو القانون وبيشغلو الاقسام التانية
طيب حلو اوي كلامك هل المشرف وظيفته تنفيذ القانون وبس ولا في اعتبارت ممكن تكون من اجل الصالح العام ولو ما استخدموش تلك الصلاحيات كقادة وقدوة للناس هيثيروا بلبلة في المنتدى وهو ما يحدث من قبل معظم المشرفين وليس الكل غصب عنهم مش عذر المشرف هو قاد والقائد هو سلطة والسلطة هي حكمة والحكمة لابد ان تكون مقدمة من المشرفين اولا وليس من الادارة
يبقى المشكلة هنا مش في المشرفين
المشكلة في القوانين
القوانين لازم تتغير بكل تاكيد لانها بصراحة ممكن تكره ناس كتير في النتدى مش تحببهم فيه احنا بنهرب من القانون علشان نعيش في ديموقراطية ليه منسميهاش سياسة ده حتى كلمة قانون دي الناس بتكرهها
الاسلام بتاعنا علمنا ان الدين يسر ومش تشدد واحنا هنا في منتدى مش قادرين نطبق السهل وبنصعب الاور على نفسنا وعلى غيرنا
انا عايزكو تغيرو تركيبة القسم العام تماماً
سيبكو من موضوع تنشيط المواضيع القديمة ومش عارف ايه والكلام ده كله
وليه نسيبنا من تنشيط الواضيع القديمة اذا كانت جيدة وكل ما سيكلفنا هو تنشيط الموضوع بوضع رد ايه المانع من كدة وبكدة انت مخسرتش نشطت القديم بمناقشاته وشافوه الناس الجديد وبكدة يبقى انت كنت حلقة وصل او ربط بين اجيال المنتدى وبتدمج ثقافتهم ببعض
في حالة ان عضو جديد يعل نفس الموضوع هل تضمن ان الناس القديمة اللي اتناقشت في موضوع ما انهم يدخلوا ويتناقشوا تاني اذا كانوا ابدو رايهم في نفس الموضوع مرة قبل كدة اعتقد ده هيحبط من نشاطهم
نشط القديم زي ما هو وخلي الناس الجديدة تشوفه ويتناقشوا فيه ايه المانع من ده انت بكلامك ده عايز تقضي على ثقافة جيل كامل
اول حاجة تلغو مبدأ
امال الاقسام التانية تنشط ازاي
حاولو انتو تنشطو العام بس في الاول
العام هيتنشط ازاي اذا كان كل موضوع ليه قيمة وبيعلم مباديء واخلاق بيتنقل
تاني حاجة
قسم زي القسم العام بحجمه وشحمه ولحمه
مينفعش يبقى لبواقي الموضوع
لأنه قسم المواضيع التي ليس لها قسم
وده طبعا انطباع سيء السبب فيه المشرفين هما اللي وصلوا الاحساس ده للناس
المواضيع اللى بتمشي منه بيبقى هدفها محدد ومكانها معروف
بينما اللى مكانه مش معروف بيبقى مكانه العام
وبكده لازم نضيف قانون يخصص او يخصخص مواضيع العام بأنها
كل المواضيع النقاشية
مش شرط النقاشية فقط في مواضيع اخلاقية مش محتاجة نقاش دي لازم تبقى في العام منطقيا العام في اي منتدى اكبر عدد زوار وبالتالي المواضيع دي هيكون فايدتها اكبر وبتحقق هدفها وهو ده الهدف الحقيقي من الاشتراك في اي منتدى
يبقى أي موضوع نقاشي سياسي (ملفات مصرية او قضايا عربية) - ديني (الركن الديني) - اجتماعي (لقاءات او اجتماعيات ) - الخ
كل الحاجات ده تفضل في موقعها الجديد القسم العام
وبكده يبقى المشرفين مش حيحتاجو يبقو في حيرة بعد كده حول المواضيع اللى المفروض ينقلوها ويخلوها
وفي نفس الوقت نلاقي مواضيع للنقاش
ما
هو للاسف المشرفين هما اللي بيحطوا نفسهم في الحيرة دي على سبيل المثال واحد عمل موضوع واتحط في العام جه مشرف العام شايف ان الموضوع مكانه مش في العام فنقله لقسم تاني المشرف بتاع القسم التاني شايف ان مكانه مش في القسم ده مكانه في العام قام ورجعه العام تاني مشرف العام بعد مفاوضات مع المشرف التاني واقناعه ان مكانه مش في العام قام بنقله لقسم ثالث غير القسمين التانين مشرف القسم الثالث شايف ان الموضوع مكانه مينفعش يكون في القسم ده فقام ونقله للعام تاني وبعد مافوضات بين المشرفين الثلاثة قرروا نقله لقسم اخر راح القسم الاخر العضو شايف انه من وجهة نظره ان مكانه مش هنا ومن كتر نقل الموضوع اكتر من خمس ست مرات من قسم لقسم العضو مل وزهق استحمل مرة واتنين وثلاثة واربعة وخمسة وفي الاخر رسي الموضوع على قسم شايف انه مش في مكانه
يا ترى انتم يا مشرفين راضيين عن الوضع ده والوضع ده بيحصل كتير ومع اعضاء كتير عارفين كل ده ليه علشان ادارة مفككة ما بتحاولش تقرب وجهالت نظره المشرفيين ببعض ادارة ينقصها ادارة علشان تقدر تخلي الكل متقارب في وجهات النظر وده طبعا مش اني بغلط في الادارة انا بحاول اعرض وجهة نظري
وتيجي تتناقش مع المشرفة دريمز سابقا تشبه المواضيع بالعفش انا تقبلت الكلمة بالرغم من الفارق الكبير في السن بيننا الا انني تقبلتها ولن انزل لمستواها في الحوار هذا على سبيل المثال واعتقد ان معظم المشرفين كدة
اما الاقسام التانية اللى عايزين تنشطوها شيلوها احسن فهي كده كده مش نشيطة
تمام كلامك
اما ما يتعلق بالمواضيع المكررة والقديمة
قلتلكو قبل كده مليون مرة
كل فترة جيل المنتدى بيتغير
بس ده غلط ان انت تمحو فكر وثقافة ناس ممكن يكون معظمهم مش موجود ليه تضيع مجهودهم وظيفتنا هنا اننا نربط ثقافات الاجيال ببعضها مش نمحوها
يعني نفس الموضوع حيبقى فيه نقاشات جديدة ووجهات نظر جديدة
حتى لو حتتكرر هي هي
فالشيء الوحيد الذي سيتكرر هو منظر الموضوع قدام المشرف القديم
في حين ان المتناقشين جدد وبالنسبالهم ده جديد
عايزين تشيلو القديم تخلو القديم تحذفو القديم
المهم ميبقاش المواضيع اللى في 2005 و 2006 تغطي على المواضيع اللى عايزين نحطها في 2009 و 2010
طالما انها تحمل نفس المعنى فمن حق من وضع الموضوع في 2005 ان يكون له الاولوية في تنشيط موضوعه وعلى من كان يريد وضع نفس الموضوع ان يدخل ويتناقش به اذا كان الهدف هو النقاش اما اذا كان الهدف ان يكون الوضوع باسمه اذن لن يفيد الا بمجرد مشاركة فقط
اكيد جيل المنتدى بيكون اتغير ومش حيتفرج عالمواضيع القديمة ده
تنشيط المواضيع القديمة ممكن يكون كويس في حالة واحدة لو النقاش اللى فيها كان قليل مش واخد صفحتين وتلاتة واربعة
ان شا الله مليون صفحة مش لازم تقرا كلهم اقرا الموضوع وعلق عليه تعليقك الشخصي وبعد كدة لو عايز تتعلم من الناس دي وتشوف نقاشهم اقرا براحتك
او ممكن نتفادى المشكلة ده ونكتب الموضوع مرة تانية مع حفظ حقوق ملكية كاتبه او إنه نفس العضو اللى يكرر موضوعه
طيب ايه الفايدة من ده طالما الموضوع كدة كدة موجود وباعتماد رد واحد يكون في المقدمة ايه اللي يخليني اخليه يكتبه من تاني
وبكده ممكن نشيل القديم
وفي نفس الوقت حيعتبر موضوع جديد
وحنلاقي مناقشات جديدة
انت بمجرد تنشيطك للموضوع هيكون فيه نقاش من جديد ولو العضو اللي كان هيحط الوضوع مدخلش يتناقش فيه يبقى مش هدفه انه يفيد ويستفيد يبقى هدفه زيادة عدد المشاركات او ان يبقى في مواضيع باسمه وخلاص وده منبكيش عليه ولا نفكر فيه اما اذا كان يربيد النقاش فالموضوع هيكون متاح ادامه يدخل ويتناقش ويرد على كل الناس كانه صاحب الموضوع ده هيزيد من قيمته مش هيقللها
هذا ما لدي وأتمنى مكنش طولت كتير
وكويس إني اتشجعت وكتبت اصلاً لأنه الواحد بيكسل يعمل موضوع جديد اصلاً