الاتحاد السنادى عامل معاكو الواجب وزياده وموزعين مذكره الامتحانات ببلاش
السنه اللى فاتت اسره الحياه كانت بتبيعها ب 5 جنيه
ادوات الاتحاد هى نفسها الادوات اللى ف مركز النيل او الاصيل او اى مكان بس الفكره انها تقريبا ارخص
سكاشن الكليه بردو تقريبا مفيش فى اول اسبوع وقسم الكميا التحليليه بينزل جدول خاص بيه بيتعلق على باب المبنى من تحت وعلى باب المعمل بيوزعوكو على المعامل بالارقام..سيبكو من الجدول اللى معاكو هما بيعملو جدولهم وبيعلقوه
د/سيد طنطاوى و د/شريف دول الوحيدين اللى فهمت منهم الترم الاول السنه اللى فاتت
د/سيد محدش يكتب وراه حاجه لأنه مش بيشرح حاجه ممكن تكتبوها ركزو اوى ف المحاضره وافهموها منه وهاتو الورق من المكتبه
ياريت ورق د/سامح صبرى ده احسن ورق واشمل ورق ومش ناقص ورق وليد ناقص وعبد الفتاح خطه هيروغليفى
د/شريف منزل المحاضره على سايت الكليه واكيد قالكو على الموضوع ده
بالنسه لمحاضرات الكميا...ربنا معاكو بصراحه د/ امينه معقوله انما د/ محى......
ده اذا كانو هما اللى بيدوكو السنادى بردو
ومحاضرات اللغه دى ملهاش لزمه وورقها مش دلوأتى المهم الشيت يتعمل (يتنقل) كل محاضره عشان بياخدو بيه غياب
والورق بينزل ف آخر الترم قبل الامتحان وفيه شويه معلومات تنجحكو وتجيبو جيد جدا كمان
وربنا معاكو الترم الأول سهل بس الحقو اقرو حتى ف الورق من دلوأتى عشان تظبطو موضوع اللغه وكده عشان تتعودو على المذاكره بالانجلش بعد كده
