بالنسبه لسؤالك يا نادر
مكان سكاشن التشريح والهستولوجي في الكليه القديمه
هتقوللي فين في الكليه القديمه
بص هي الكليه القديمه ليها بابين
باب في شارع الجامعه
وباب في شارع مراد تمام
لو دخلت من البا اللي في شارع مراد فهتلاقي اول مبني علي ايدك اليمين
ده في الدور الارضي في المشرحه
انتو المستوي الاول اللي هي علي الشمال
الدور التاني ده قسم التشريح نفسه
والدور التالت ده اللي فيه معامل الهستولوجي ومكاتب الدكاتره بتوع الماده
وفوق بقي ماعرفش في ايه لحد دلوقتي
هو المبني في اسانسير بس غير مسموح للطلبه يعني بلاش عشان متتطردوش 
لو بقي دخلت من الباب اللي في شارع الجامعه
هتدخل يمين شويه وهتلاقي شمالك مبني الكيمياء الحيويه
وده فيه مدرج 1 في الدور التاني بعد الأرضي
ولو مشيت قدام شويه كمان هتلاقي علي مرمي البصر ( مرمي البصر دي هتحسسك ان الكليه كام فدان بس هتتصدم بعدين )
هتلاقي ايه بقي الباب التاني بتاع الكليه والمبني اللي قلتلك عليه فيه المشرحه هتلاقيه اخر واحد علي ايدك الشمال
وهتلاقي قدامه الكافيتيريا المتواضعه بتاعت عمو جيمي 
هي الكليه القديمه عباره عن شارع طويل وبعض الناس بتعتبره معبر
يعني متستغربش لو لقيت واحده مثلا جايبه اولادها من المدرسه ومعديين قدامك في الكليه
او حد من هندسه معدي من قداامك برده ايزي خالص يعني 
مكملتلكش
شارع طويل اوله في باب اللي هو في شارع الجامعه
واخره في باب اللي هو في شارع مراد
بس كله غالبا يعرف اللي في شارع الجامعه 
بالنسبه لسؤالك بقي يا محمد
انت طبيعي اول يوم بتروح بدري
لو معندكش سكاشن بتلف تشوف الاماكن وكده
وبعدين ممكن يكون عندك محاضره
ولو معندكش انصحك تكون موجود اول يوم من 8 ع الاقل
عشان تقابل طلبة الاسر وتتكلم معاهم ويرسوك علي نظام السنه كلها
بس نصيحه لو لقيت كلام اللي قدامك مش مقنع سيبه وامشي عشان كان في كتير بيتوهونا ويقولولنا كلام مش صح
بس ربنا يوفقكو
ومبروك علي يوم الاتنين اللي اجازه ده
مكنتش عايز تقول ليه خايف من الحسد
اكيد مش مني انا وواحده عندي 3 ايام اجازه مش هبص ليوم يعني
__________________
Veterinarian and proud to be so Veteriner ve gurur kadar olmak Vétérinaire et fier de l'être
Veterinario e fieri di esserlo
|