[هانم بنت باشا]

المشاركة الأصلية كتبت بواسطة genious girl

متشكرة ليكى على المعلومات بس عايزة اعرف ملقتيش صعوبة فى الانجليزى والمذاكرة واذاكر ازاى يعنى بيقولوى انها جد قوى

طبعاانا كنت داخلة قلقانةجدا والكل حذرنى وبالمعنى الاصح كنت تايهة مش فاهمة اى حاجةمن اى دكتور لان كل مادة بالانجليزى حتى توزيعة الجدول مكنتش فهماها فى الاول بس والله عدم الفهم فى البداية وخصوصا اول ترم ده عادددددددى جدااااااااااااا ومتقلقوش لان كلكم هتبقوا كدا وبعدين وحدة وحدة هتتاقلموا مع الدكاترة والمواد وهتحبوا الكليةبس علوم صعبة وسهلة فى نفس الوقت ودى مش فزورة صعبةللى ما يذاكرشى وسهلةللى يذاكر فهى مش كلية عادية هتروح يوم وتسيبى يوم بل لازم تروح يوميا ووتعودى على مواعيد السكاشن اللى بتبقى نهيتها فى بعض الايام الساعة7وده طبعا مش كل الايام ومش فى الاول وكل واحد على حسب جدوله ***اما بقى على نظام المذاكرة والانجليزى فكل واحد هتلاقيه ماشى بنظام معين ومنه نظام الكورسات وانا بنصحكوا تسيبكوا منه نهائى وتركزوا فى المحاضرات والسكاشن احسن هتروحى تحضرى كل المحاضرات وحاولى تنقليى وتفهمى اى حاجة من كل دكتوروتركزى ايضا على السكاشن ودى عليها40%من الدرجة وفيها هتقدرى تسالى المعيدين براحتك حتى لو فى معنى كلمةطبعا فى اسامى علمية ملهاش ترجمة اما باقى الكلمات هتلاقيها كلها فى قاموس صغير اسمه قاموس الياس كلية العلوم هتشتريه ب15جنيه ومتشتريش الكبير اللى ب70جنيه علشان ملهوش لازمة وتبداى فى الاول تترجمى كل كلمة حتى توصلى حتى لجملة مفيدةوممكن تقعدى فى الصفحة الواحدة ساعة وده فى الاول وبعدكده هتتعودى على المزاكرة بالانجليزى من غير حتى ماتبصى فى القاموس لدرجة انك مش هتعرفى تزاكرى بالعربى تانى وعلى فكرة مادة الطبيعة بالعربى وفى الاخر ربنا يوفقنا جميعا واعذرونى لو كنت طولت عليكم بس حبيت اعرفكم كل حاجة