01-10-2009, 05:48 AM
|
 |
world of optional
نجم العطاء
|
|
تاريخ التسجيل: Aug 2008
العمر: 33
المشاركات: 7,384
معدل تقييم المستوى: 24
|
|
اقتباس:
|
تفتكر الديكتاتورية فى المنتدى ليها فوايد ولا تطبيق الديمقراطية بكل صورها أصلح للمنتدى وللشعب ؟؟ وإذكرلنا سبب إختيارك ؟؟
|
افضل سؤال من اول الحلقة بجد عجبنى اوى
الشق الاول من السؤال المطلوب الاجابة علية
اقتباس:
|
تفتكر الديكتاتورية فى المنتدى ليها فوايد ولا تطبيق الديمقراطية بكل صورها أصلح للمنتدى وللشعب ؟؟
|
طبعا للديكتاتورية فوائد كتير جدا
واوقات كتير بتكون اصلح للمنتدى والشعب عن الديمقراطية
بس دى فى حالات معينة
الشق التانى للسؤال
بصى يا حاجة مها
اوقات كتير بيكون الوضع مطلوب فية قرار ديكتاتورى
داخل المنتدى بتاعنا بالذات
مع احترامى للجميع من اعضاء المنتدى ناس بيحاولو يفرضو شخصيتهم
على حساب الاعضاء التانية هتقولى ليا لا شخصيتهم هيا الى بتفرض نفسها
على حساب الجميع نتيجة لتفكيرها الواعى نشاطهم الخ الخ
هقولك مقصدش دول طبعا
دول فعلا هما الى شخصيتهم بتفرضهم على غيرهم
انا اقصد شخص يدخل قسم صوت الاعضاء
وغالبا بيكون مشرفين يشوف موضوع مش محتاج اى تهريج
سؤال ومحتاج رد بسيط جدا
يدخل يتريق بطريقة غير عادية
حاليا اقسم بالله فتحت ملف بعض المشرفين بتابع الردود بتاعتة
والله كلها تريقة بدون اى سبب
يا اما بيتريق على الادارة بدون سبب
يا اما بيتريق على صاحب الموضوع من اسلوبة من كلامة من تفكيرة الخ الخ
يا اما بيحاول يستفز اى شخص برد ملوش علاقة بالموضوع ... الخ
فى الحالة دى ينفع امشى بالديمقراطية واقولة من حقك تقول رأيك اى ان كان !!
دا سبب واحد من ضمن الاسباب الى بتستدعى الديكتاتورية
سبب تانى فى اى تعين اشراف حاليا فى المنتدى
المفروض اى حاجة برأى الاغلبية
تمام ؟
طيب لما ادارى بيرشح شخص معين لاى قسم فى المنتدى
اغلب الادارين فى الفترة الى فاتت بتوافق عشان دا الى مرشحة صاحبة
وغالبا كلهم الفترة الى فاتت
اوقات بضطر اوافق لما بتحط قدام الامر الواقع
بس زى ما قولت قبل كدة بحط نقطة اقدر اعتمد عليها بعد كدة
لو المشرف دا مأثبتش نفسة اقدر اشيلة
بقول اوك موافق ولكن بعد فترة متابعة شخصية منى
واوقات كتير بقى بدخل الاقى الادارين كلهم موافقين على تعين شخص معين
ناقص اخر خطوة وهيا التنفيذ
اوقات بطول شوية فى الموضوع لحد متابع العضو يوم او اتنين
واوقات بدخل اقول موافق بشكل مبدأى ولكن مش هينفع ننفذ حاليا
والسبب ان العضو دا كذا
ازاى يعنى يا لورد الناس كلها موافقة
طب انا مالى بالناس انا رافض بسبب
لو هوة خطأ انقدنى
فاهمانى ؟
فى الحالة دى الديكتاتورية هيا الافضل
نجيب من الاخر بقى
فوائد الديكتاتورية ولكن فى حالات معينة
** النظام
** الشعور بالمسئولية
** عدم اللامبالاة
** حفظ مكانة الادارة امام الجميع
** انعدام الفوضى
.... الخ
طيب بصفة عامة بقى الديكتاتورية والديمقراطية
انا قرأت فى مقال جملة حلوة اوى بجد
اقتباس:
|
قال احد الشعراء الشيوخ ان سلبيات الديمقراطية يمكن معالجتها بالنظام الديمقراطي نفسه اما سلبيات الأستبداد فلا يمكن معالجتها بالنظام نفسه وانما لا بد من قوة اخرى تكفل هذا الأصلاح
|
انا عرضت فوق فوائد الديكتاتورية
وعكسها سلبيات الديمقراطية
بس لو عكسنا الكلام وعرضنا فوائد الديمقراطية
وطبعا هيكون عكسها سلبيات الديكتاتورية
هيكون انهى الاكتر ؟
اكيد فوائد الديمقراطية
فاهمة انا عاوز اقول اية ؟
انا اصلا توهت نفسى وربنا
بصى سيبك من الى فوق دا كلة
للديكتاتورية فوائد ولكن فى حالات معينة
للديمقراطية فوائد ولكن فى اغلب الحالات
خلص الكلام
يلا اقعدو بالعافية 
__________________
لا اله الا الله ... محمد رسول الله
|