[MoHaMeD ELsHeRbEnY]

المشاركة الأصلية كتبت بواسطة COoL HEaRT

احم الاول هعتذر لمها بجد لان الواحد كان سبب العطله دى


وده ناتج عن الاصابه بمرض النوم
وده ناتج بردو عن ان الوزاره هنا عاوزه عربيات رش اكتر
وشكل الحاج محمد هنقدم فيه شكوى
شوفلنا حل يا حاج محمد فى ذبابه التسي تسي دى


وربنا ولا فاهم حاجة
اكلمى عربى يابنتى

المهم نبدأ الاسئله اللى كلها من الجمهور بس عددها كبير اوى
ومينفعش نتجاهلها طبعا


مش عارف الجمهور بتاعى الى عند مها كويسين اوى
والى هنا شكلها مش طايقينى


ناصر من شويه دخل اشتكى وقعد يقول كل شويه هند ومحمد هند ومحمد
الا صحيح يا فندم
هو الاتنين استقالوا .. انت ناوى تقدم استقاله امتى ؟!

ممممممم
اقدر اقولك قريب بس وقت محدد مفيش
بس انا مش هسيب السايت كدة وامشى
بصراحة ابقى ندل ويبقى الجملة الى بالاحمر الى تحت بتاع نكران الجميل دى فعلا
بتنطبق عليا انا بعتبر من اول ما مسكت اشراف ادارى لحد النهاردة
انا زى منا وانا قبلت الاشراف الادارى والمنتدى كان افضل من كدة
على الاكل كان فية ادارة
حاليا انا المفروض الى بنفذ طلبات الاقسام العامة
لما امشى واسيبة دلوقتى بصراحة ابقى ندل

ايه الظروف اللى تجبرك ع كده ومقصدش انها ظروف خاصه اقصد امتى انت تضطر لده لما يحصل ايه فى المنتدى ان شاء الله ؟

لما احس انى شخص غير مرغوب
وطبعا دا انا مش حاسة خالص حاليا الحمد لله
عموما انا همشى بدون اى اسباب داخل المنتدى
بس اسباب ليا انا وقولت منها انى لازم اشوف مستقبلى
مش الكلية والكلام دة بس فية حاجات تانية كتير
بينطبق عليها اسم ( مستقبل )

فى جريده المضهدون فى الأرض

ظهرت صوره حضرتك ولقينا تحتها بالبونت العريض كده
نكران الجميل يتخذ شكلاً ادمياً
طبعا ده مش ذنب اللى باعت السؤال المشكله فى الجريده نفسها
واكيد نظرا لديموقراطيتك انت لسه مقفلتش الجريده او مكنش عندك خبر ساعتها

بس اللى جه فى المقال من جوه اتهامك بالادله القاطعه
اولها
ان اشرف عينك وانك وقفت ضده فى الاخر

نكلم هنا الاول
هوة اشرف عينى شفقة من عندة ولا حاجة ؟
ولا اخدنى عبد لة يبقى اى حاجة اقولة سمعا وطاعة ؟
اشرف عينى عشان هوة قالى انت تستحق وانا واثق فى كدة
خلاص الحمد لله انت حر
وبردة اعتقد انى لله الحمد اثبت نفسى وكنت ادارى كويس الى حد كبير
بسلما اشوف حاجة غلط لازم اقف قدامة طظ بقى فى الاشراف فى الادارة فى اسمى
بس انا مسبش حقى وخصوصا ان دا مش حقى انا دا حق شخص يخصنى بشكل غير عادى


وان استاذ عصام رجعك ادارى وانت وقفت ضده بردو

لا والله استاذ عصام رجعنى ادارى ؟
غريبة اوى الحكاية دى
الاستاذ عصام هوة اصلا السبب فى رفعى
صوت الحق الوحيد الى كان معاة دليل على صدق كلامى ايام مشكلتى مع اشرف
والمفروض تانى يوم كان فية اجتماع
اشرف كلمنى موبايل قالى لازم تحضر قلت لة مش هحضر
وصوت الحق مكانى كنت معتقد ان صوت الحق هيقول الرسالة الى عندة
انا مش بدعى كلام على حد ولا بقول كلام زور
اشرف موجود وايمن ايمو موجود والسادات موجود وكل الى كانو فى الاجتماع موجودين
اشرف قال بالنص هرفع اللورد واعين ايمن ايمو والسبب اللورد كذاب
وادعى كلام عليا بدون دليل
وصوت الحق قاعد والمفروض انى موكلة انة مكانى
المفروض يرد ويقولة لا انا وصلنى كذا
لا طبعا مردش لانة فى الحالة دى بيبقى وقف قدام اشرف
ومكانة بقى مهدد

وبعدها لما اترفعت وعرفت الموضوع كلمت الاستاذ عصام
قالى اسبوع بالظبط احتراما لقرار اشرف وهرجعك وهوة الى قال الكلام دة ( اشرف يعنى )
قلت لة انا مالى ومال قراراة انا اترفعت بسبب انى كداب
انت عندك دليل انى مش كداب قالى ابنى الغالى معلش وعشان خاطرى
وسكت وعديتها يعنهى مش مرجعنى شفقة انا الى صبرت علية اسبوع احتراما لمكانتة مش اكتر


وقعدت تسرد فى اخطاء الراجل

انتى بتقولى وبتردى على نفسك
اخطاء الراجل
هوة اخطأ والكل شايف كدة
ولا عشان هوة عينى انا اقول لا هوة مش غلطان زى ناس
واخاف يكون ظهرى مكشوف ؟
لا طبعا انا اتعودت انى اقول كلمة الحق لو على رقبتى
والاشراف والكلام دا مش حاجة انها تخلينى مقولش كلمة الحق


وانتهى المقال بسؤال لولبى
ويا ترى هيعمل ايه مع الاستاذ الدكتور محمود سرحان؟!!


الراجل دا انا مشفتش منه اى حاجة وحشة
الا انة مشغول ومش فاضى للسايت
وانا وقفت معاة فى قرار رفع صوت الحق
ومش هسيبة الا لما ارجع لة السايت افضل من الاول بأذن الله


عاوزين ارائك فى الكلام اللى اتقال عليك زى
او هترد بايه
ده طبعا من غير الرد بتاع المسؤلين ان الصمت رد والحجات دى


لا الحمد لله عندى رد لكل كبيرة وصغيرة متقلقيش

فى بعض الناس شايفينك مغرور ؟!

عمرى ما كنت مغرور والله العظيم
لا نت ولا حقيقة
لسبب بسيط جدا جدا
انى مش اكتر من حد فى اى حاجة عشان اكون مغرور
فى الحقيقة زى زى اى انسان عادى جدا
عندى مميزات وعندى عيوب وعيوبى اكتر بكتير كمان
فى النت اقل من اى حد عندى مميزات وعندى عيوب
لو حد فاكر ان الاشراف او الادارة دا شئ
يجعل الانسان يكون مغرور يبقى تفكيرة محدود اوى
النت دا اصلا عالم وهم
ووهم كبير جدا كمان
ومن تواضع لله رفعة الحمد لله

-مع اختلافى مع الحكايه دى بس لازم حضرتك ترد بردو-
وفى دعوه من عضوه كده بتقول لحضرتك بلاش تقول ان السلطه بتفرض عليا كده !!


مش انتى بس يا ياسمين الى شايفة انى مش مغرور
والله كل الى يعرفونى بشكل شخصى عارفين كدة
ودا من فضل ربى عليا الحمد لله
الجملة الى بالاحمر دى مش فاهمها تقصد بيها اية
بس عموما السلطة لو تقصدى بيها الادارة
فعمر الادارة ما فرضت رأيها عليا الحمد لله
والا انا اسيب مكانى احسن
منا مش مرمطون فى الادارة

ورأيك فى الكلام ده
-بردو مواطن من المواطنين اللى خايفين ع مصلحه الوطن-
عددهم كتر اوى يا فندم

ايه رايك في الاقسام النايمة احم التعليمية
و متقولش بكرة الحال يتعدل الحال اصلا نايم من ايام استاذ اشرف

لا مش نايم من ايام الاستاذ اشرف
انت عاوز تشبة التعليمى دلوقتى لايام اشرف ؟
يا راجل حرام عليك
دا انا نفسى انا ومحمد ناصر كنا بنشتغل فى التعليمى
وهوة يقولك كنا بنتعب قد اية
التعليمى حاليا نايم بفعل فاعل
ومش هيتقدم ابدا طول ما الادمن مشغول كدة


الاقسام التعليمية لو نامت يبقي المنتدي نام متنساش ان المنتدي مفروض تعليمي بحت في الاساس

معاكى فى ان اساس المنتدى تعليمى
بس لو الاقسام التعليمية نامت يبقى المنتدى نام
لا طبعا المنتدى شغال اهوة وواخد ترتيب كويس فى موقع راتب
نتيجة للاقسام العامة
التعليمى مش شغالين اصلا ومش عاوزين يأخدو خطوة ايجابية
فيهم ناس كتير بجد عاوزة تشتغل بس الباقى بيحبطوهم والله
انا امبارح ادارى تعليمى قالى انا جالى احباط
متخيلة الكلمة ؟
اقسم بالله هذا حصل


و ايه رايك في المدرسيين المشرفيين اللي بيدخلوا بالشهور طبعا انا عارف مشغولياتهم بس ليه ميبقاش فيه استاذ مشرف تاني

بردة دا دور الادارين التعليمن
وزى ما قولت دا كلة موضوع مترتب


ايه رايك في المدرسيين اللي ليهم سلطة كبيرة في المنتدي و بيدعوا لمنتداهم (بدون ذكر اسماء انت عارفهم اكتر مني )

واحد بيعمل كدة يبقى بيخون مكانة
ربنا الى هيحاسبة بقى انا كلمت الادمن اكتر من دشليون مرة
ومفيش قرار اعمل انا اية ؟
انا هخاف على موقعة اكتر منة ؟
انا بعمل كل حاجة عشان ربنا هياحسبنى
وعشان الموقع دا لة فضل كبير عليا
كفاية انى عرفت فيه ناس مليت عليا حياتى


الاقسام اللي ملهاش مشرفيين و بتقلب شات و الادارة حرام بتتعب و بتدخل تشيل المخالفة من موضوع اخبرنا عن مخالفة
كلفوا روحهم

اه فعلا كلفو روحهم
اولا الكلام دة فى الاقسام التعليميمة
والى بيشتغل فى صوت الاعضاء احنا
يبقى دا كرم من عندنا

وسؤال من مواطن بيقول لحضرتك هو انت ليك دور فى التعليم فى البلد هل انت مهتم بيه
(التعليم مرادف للاقسام التعليميه) ولو ليك هو فين؟؟

حاليا مليش طبعا
دا انا لما بقول رأى فى مجلس الادارة القديم
بيقولو رأيك لا يأخذ بة وانت لا تفرق اصلا
بس انا بحاول اكلم الاستاذ ممدوح والادمن على قد ما اقدر والاستاذة رانيا وبعض االادارين التعليمين
رأى تشريعى مش تنفيذى
فخمتو ؟

نستكمل الحوار مع حضرتك بس ياريت اجابات مباشره صريحه كافيه وافيه شافيه
ودوا للانفلوانزا وياريت تاخدوا احتياطتكوا كويس فى بلاد الواك واك
وتوزيع كمامه مجانى ع كل عضو

لا متقلقيش
انا قولت انى هتكلم بصراحة ووضوح
ولله الحمد بتكلم بكل صراحة ووضوح ولو فية كلمة مش واضحة انا على استعداد اوضحها
مرة واتنين وتلاتة وعشرة
بس الى يفهم
كانو بيقولو لينا فى المدرسة كدة
فى رعاية الله