[لا يوجد اسم]

المشاركة الأصلية كتبت بواسطة ahmedal3mda

انا كنت هناك انهاردة وكل بيقول ان المقابلة سهلة دة مالوش دعوة هو بيسألك اسلئة سهلة لان عاوز يعرف طريقة ردك مش ردك اية المقابلة ليها درجة من مائة بتضاف على المجموع الاعتبارى وبيعملوا تنسيق وبيخدوا العدد اللى هما عاوزينوا
العدد اللى كان موجود يعتبر قليل بالنسبة لايام ماكنت انا بقدم وصح ان اغلب الناس اللى مقدمين دلوقتى ضايعين زى مابتقولى لان اغلبهم اللى كان عندهم دور تانى

والله يا احمد هما النهاردة حتى عشان يشوفو طريقة الرد دى مكنتش موجودة حتى

دى كانت كلها اسئلة مباشرة وعن شخصيات واسئلة سهلة

يعنى زى مقولت مين رئيس جريدة كذا فالاجابة بتبقى الاسم على طول والاسئلة كلها كانت بالطريقة دى مين هو كذا ؟؟؟؟الاجابة اسم الشخص على طول

يمكن عشان اللى اختبارنى النهاردة كانو 2 ستات مبيحبوش يتعبو اعصابنا

بس كانت اهم حاجة الثقة فى الرد والسرعة مش التردد والتفكير

وكمان رغم ذلك فالبنات اللى كانو معايا فى المقابلة كانو بيجاوبو غلط يعنى بتسألها مين وزير الخارجية بتقولها احمد على الغيط جابت على دى منين مش عارفة و بتسأل بنت تانية بتقولها قوليلى 3 احزاب سياسية فى مصر البنت ردت الحزب الوطنى والحزب الديمقراطى قسمت الحزب الى حزبين بمزاجها هو الحزب الوطنى الديمقراطى

ضياع اخر حاجة


بس بالنسبة لموضوع الدور التانى بصراحة انا مش معاك فيها لان كان فيه بنات معاهم دور تانى بس عندهم ثقافة لا بأس بيها

وكمان انا شفت بنت كان عندها دور تانى جيولوجيا وتاريخ اولا انا لما شفتها كنت بحسب انها جايبة مجموع كبير من طريقة كلامها ومعلوماتها ومكنتش مصدقة انها دور تانى وفى مادتين كمان