اقتباس:
المشاركة الأصلية كتبت بواسطة الطالبة المطحونة !
خليك هناك يا دوك فعلا هناك أفضل ...
|
بس مقلتيش ايه السبب
على العموم شكرا على ردك
اقتباس:
المشاركة الأصلية كتبت بواسطة مصطفى___
انا معاك
ان طب عين شمس ليها اسمها
لكن انتا تتمسك بيها لو ناوي تكمل لحد ما تتخرج ان شاء الله
لكن بدام هي سنه خليها في الزقازيق عشان الموصلات واهو كده كده هتروح المنصوره باذن الله بعد سنه
فخليك في الزقازيق مباتبهدلش نفسك احسن
00000000
تحياتي
|
رأي حكيم فعلا
ناس كتير قالت كده وشكلي هاحول الزقازيق وامري لله
شكرا على ردك يا مصطفى
اقتباس:
المشاركة الأصلية كتبت بواسطة Dr.Ahmed Moussa
يا جماعه أحب أقول حاجه
إنتو مخدوعين في طب عين شمس
وطب قصر العيني
كلهم قالولي :المنصوره أحسن طب
بعد كدا شبين وطنطا
بعد كدا القاهره وعين شمس
|
بصراحة كلامك غريب جدا ومفيش اي واحد ممكن يقتنع بيه
ازاي يعني شبين وطنطا احسن من عين شمس
ناقص تقول انها احسن من المنصورة
على العموم شكرا على ردك يا دوك
اقتباس:
المشاركة الأصلية كتبت بواسطة biboman
ياعم كلنا فى الاخر اسمنا دكاترة
|
لأ طبعا تفرق يا دكتور
اكيد في فرق بين الدكتور خريج المنصورة وخريج بنها مثلا او خريج القاهرة وخريج بنى سويف
لازم الواحد برده يبص من اساس مستوى التعليم
اقتباس:
المشاركة الأصلية كتبت بواسطة dr_asmaa ehab
بص يا دكتور( ان شاء الله ) صلى استخاره وامشى فى الطريق اللى اكبر منك عاوزينه بيتهيألى هما لهم خبره ومعرفه افضل وعلى العموم القرار يرجعلك
|
انا ان شاء الله هاصلي استخارة واشوف وربنا يكتب لي الخير ان شاء الله
لأ انا هامشي في الطريق اللي انا عاوزه بس باخد اراء الاكبر مني بس مش اكتر
وشكرا على ردك
اقتباس:
المشاركة الأصلية كتبت بواسطة Rymonda
مدام سنه وهتحول ..يبقى انت محتاج الاسم في ايه ؟؟
وبعدين طب عين شمس لوهتحول هتحول بعد سنتين .. لان نظام الدراسه مختلف شويه ..
اللي الزقازيق والمنصوره بيدرسوه في اولى هما بيدرسوه في تانيه .. والعكس ..
بس الشهاده لله .. طب الزقازيق من الكليات الجامده والمعترف بيها عالمياً .. مش عشان كليتي يعني..
بس ممكن سؤال رخم ..
هو حضرتك ليه متروحش المنصوره علطول .. ماهي الزقازيق والمنصوره واخدين من نفس المجموع ؟؟
ولا انتو ليكو مقاييس تانيه ؟؟
عموماً برضو انت لوحدك صاحب القرار في الموضوع ده ..
دوومت
في رعاية الله
|
انا اول مرة اعرف ان التحويل من عين شمس في سنتين دي
كويس انك نبهتيني والله دي لواحدها هتخليني معدتش افكر فيها تاني
انا سمعت فعلا ان upper limb بياخدوه في المنصورة والزقازيق في اولى وعين شمس بياخدوه في تانية والعكس مع lower limb
وبرده اول مرة اعرف ان الزقازيق من الكليات المعترف بيها عالميا دي يمكن انتي مزوداها شوية عشان كليتك
احنا نظامنا مختلف عنكم هنا
لأن التحويل هنا لازم يكون مجموعك اعلى من او يساوي الحد الادنى للكلية دي
انا مثلا جايب 98.2% وطب المنصورة واخدة 98.3% وبسبب 0.1 ده هتبهدل سنة
الحمد لله على كل حال
والف شكر على ردك االجميل